Indýstriia jáne infraqurylymdyq damý ministri Beibit Atamqulov Úkimet otyrysynda jylytý maýsymynda eń kóp aqaýǵa jol berilgen óńirlerdi atady, dep habarlaidy QazAqparat.
«Ótken jylý berý maýsymynda 121 tehnologiialyq buzýshylyq oryn aldy», - dep bastady ministr óz baiandamasyn.
Atap aitsaq, avtonomdyq qazandyqtarda - 4 (Aqmola, Jambyl, Qaraǵandy oblystary,Shymkent qalasynda - 1) aqaý tirkelgen. Al jylýmen jabdyqtaý júiesinde – 34 aqaý joiylǵan. Olardyń ishinde Aqmola oblysynda – 3, Almaty oblysynda – 1, Atyraý oblysynda – 1, Shyǵys Qazaqstan oblysynda – 3, Batys Qazaqstan oblysynda – 1, Qaraǵandy oblysynda – 8, Pavlodar oblysynda – 3 jáne Nur-Sultan qalasynda – 2, Almaty qalasynda - 11, Shymkent qalasynda -1 jaǵdai tirkelipti.
Sýmen jabdyqtaý júiesinde – 83 aqaý oryn alǵan. Naqtyraq aitsaq, Aqmola oblysynda – 9, Almaty oblysynda – 2, Atyraý oblysynda – 1, Shyǵys Qazaqstan oblysynda – 12, Batys Qazaqstan oblysynda – 9, Qaraǵandy oblysynda – 10, Pavlodar oblysynda – 7, Túrkistan oblysynda – 2, Soltústik Qazaqstan oblysynda - 6 jáne Nur-Sultan qalasynda – 11, Almaty qalasynda -14 jaǵdai bolǵan.
«Jylytý maýsymynyń barlyq kezeńinde Almatyda – 25, Nur-Sultanda – 13, Aqmola oblysynda – 13, Shyǵys Qazaqstanda – 15 jáne Qaraǵandy oblysynda – 19 aqaý tirkeldi. Olardyń barlyǵy normativtik merzimde joiylyp, jylýmen jáne sýmen jabdyqtaý júiesi qalpyna keltirild», - dedi Beibit Atamqulov.
