يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ ٷكٸمەت وتىرىسىندا جىلىتۋ ماۋسىمىندا ەڭ كٶپ اقاۋعا جول بەرٸلگەن ٶڭٸرلەردٸ اتادى, دەپ حابارلايدى قازاقپارات.
«ٶتكەن جىلۋ بەرۋ ماۋسىمىندا 121 تەحنولوگييالىق بۇزۋشىلىق ورىن الدى», - دەپ باستادى مينيستر ٶز بايانداماسىن.
اتاپ ايتساق, اۆتونومدىق قازاندىقتاردا - 4 (اقمولا, جامبىل, قاراعاندى وبلىستارى,شىمكەنت قالاسىندا - 1) اقاۋ تٸركەلگەن. ال جىلۋمەن جابدىقتاۋ جٷيەسٸندە – 34 اقاۋ جويىلعان. ولاردىڭ ٸشٸندە اقمولا وبلىسىندا – 3, الماتى وبلىسىندا – 1, اتىراۋ وبلىسىندا – 1, شىعىس قازاقستان وبلىسىندا – 3, باتىس قازاقستان وبلىسىندا – 1, قاراعاندى وبلىسىندا – 8, پاۆلودار وبلىسىندا – 3 جەنە نۇر-سۇلتان قالاسىندا – 2, الماتى قالاسىندا - 11, شىمكەنت قالاسىندا -1 جاعداي تٸركەلٸپتٸ.
سۋمەن جابدىقتاۋ جٷيەسٸندە – 83 اقاۋ ورىن العان. ناقتىراق ايتساق, اقمولا وبلىسىندا – 9, الماتى وبلىسىندا – 2, اتىراۋ وبلىسىندا – 1, شىعىس قازاقستان وبلىسىندا – 12, باتىس قازاقستان وبلىسىندا – 9, قاراعاندى وبلىسىندا – 10, پاۆلودار وبلىسىندا – 7, تٷركٸستان وبلىسىندا – 2, سولتٷستٸك قازاقستان وبلىسىندا - 6 جەنە نۇر-سۇلتان قالاسىندا – 11, الماتى قالاسىندا -14 جاعداي بولعان.
«جىلىتۋ ماۋسىمىنىڭ بارلىق كەزەڭٸندە الماتىدا – 25, نۇر-سۇلتاندا – 13, اقمولا وبلىسىندا – 13, شىعىس قازاقستاندا – 15 جەنە قاراعاندى وبلىسىندا – 19 اقاۋ تٸركەلدٸ. ولاردىڭ بارلىعى نورماتيۆتٸك مەرزٸمدە جويىلىپ, جىلۋمەن جەنە سۋمەن جابدىقتاۋ جٷيەسٸ قالپىنا كەلتٸرٸلد», - دەدٸ بەيبٸت اتامقۇلوۆ.
