Elimizde jyl saiyn 35 ónerkásiptik taýarly sút fermasy iske qosylady. Bul týraly ortalyq kommýnikatsiialar qyzmetinde ótken brifingte QR AShM strategiialyq josparlaý jáne taldaý departamentiniń basshysy Sáýle Moldabaeva aitty, dep habarlaidy QazAqparat.
Ótken jyly aýyl sharýashylyǵynyń importtyq ónimderin almastyrý jospary boiynsha Qazaqstanda 48 taýarly sút fermasy, 3 et kombinaty, et baǵytyndaǵy 8 qus fabrikasy, balyq óndiretin 3 ferma iske qosylǵan.
1800 gektar jerge qarqyndy alma baqtary otyrǵyzyldy.
«2024 jylǵa deiin Jambyl oblysynda 19 et óndiretin qus fabrikasyn, 9 et óńdeý kásipornyn, 8 taýarly balyq ósirý jobasyn, sondai-aq jańa qant zaýytyn iske qosý josparlanýda. Budan bólek, jyl saiyn 35 ónerkásiptik taýarly sút fermasy iske qosylyp, 2 myń qarqyndy baq salynady», - deidi Aýyl sharýashylyǵy ministrligi strategiialyq josparlaý jáne taldaý departamentiniń basshysy Sáýle Moldabaeva.
Onyń aitýynsha, ministrlik júrgizip jatqan jumys 2023 jyldyń sońyna qarai importqa táýeldilik máselesin sheshýge jáne eldiń azyq-túlik táýelsizdigin qamtamasyz etýge múmkindik beredi.
