ەلٸمٸزدە جىل سايىن 35 ٶنەركەسٸپتٸك تاۋارلى سٷت فەرماسى ٸسكە قوسىلادى. بۇل تۋرالى ورتالىق كوممۋنيكاتسييالار قىزمەتٸندە ٶتكەن بريفينگتە قر اشم ستراتەگييالىق جوسپارلاۋ جەنە تالداۋ دەپارتامەنتٸنٸڭ باسشىسى سەۋلە مولداباەۆا ايتتى, دەپ حابارلايدى قازاقپارات.
ٶتكەن جىلى اۋىل شارۋاشىلىعىنىڭ يمپورتتىق ٶنٸمدەرٸن الماستىرۋ جوسپارى بويىنشا قازاقستاندا 48 تاۋارلى سٷت فەرماسى, 3 ەت كومبيناتى, ەت باعىتىنداعى 8 قۇس فابريكاسى, بالىق ٶندٸرەتٸن 3 فەرما ٸسكە قوسىلعان.
1800 گەكتار جەرگە قارقىندى الما باقتارى وتىرعىزىلدى.
«2024 جىلعا دەيٸن جامبىل وبلىسىندا 19 ەت ٶندٸرەتٸن قۇس فابريكاسىن, 9 ەت ٶڭدەۋ كەسٸپورنىن, 8 تاۋارلى بالىق ٶسٸرۋ جوباسىن, سونداي-اق جاڭا قانت زاۋىتىن ٸسكە قوسۋ جوسپارلانۋدا. بۇدان بٶلەك, جىل سايىن 35 ٶنەركەسٸپتٸك تاۋارلى سٷت فەرماسى ٸسكە قوسىلىپ, 2 مىڭ قارقىندى باق سالىنادى», - دەيدٸ اۋىل شارۋاشىلىعى مينيسترلٸگٸ ستراتەگييالىق جوسپارلاۋ جەنە تالداۋ دەپارتامەنتٸنٸڭ باسشىسى سەۋلە مولداباەۆا.
ونىڭ ايتۋىنشا, مينيسترلٸك جٷرگٸزٸپ جاتقان جۇمىس 2023 جىلدىڭ سوڭىنا قاراي يمپورتقا تەۋەلدٸلٸك مەسەلەسٸن شەشۋگە جەنە ەلدٸڭ ازىق-تٷلٸك تەۋەلسٸزدٸگٸن قامتاماسىز ەتۋگە مٷمكٸندٸك بەرەدٸ.
