Pandemiiamen jáne qarjy sektorynyń turaqsyzdyǵymen bailanysty álemdik daǵdarysqa qaramastan, QR avtomobil ónerkásibi 2020 jyly óndiris pen satylymda eleýli ósimdi kórsetti.
Bul týraly QR Indýstriia jáne infraqurylymdyq damý ministrliginiń Telegram kanalynan málim boldy, dep habarlaidy "Ult aqparat".
96 jetekshi elde avtomobil ónerkásibin taldaýmen ainalysatyn NCSA (Ulttyq avtomobilderdi satý qaýymdastyǵynyń) álemdik sarapshylary jyldyń ortasynda álemdegi salanyń jahandyq quldyraýyn atap ótti. Alaida, sol kezdiń ózinde mashina jasaý salasyndaǵy turaqty kóshbasshylardyń teris kórsetkishteriniń aiasynda tek 4 el ǵana oń statistikany kórsete aldy, al olardyń kóshbasshysy Qazaqstan boldy.
Qazaqstan Respýblikasy Indýstriia jáne infraqurylymdyq damý ministri Beibit Atamqulov 2020 jyly avtomobil jasaý salasyndaǵy óńdeý ónerkásibinde eń úlken ósimdi (50% - dan astam) atap ótti.
IIDM derekteri men Qazaqstannyń Avtoónerkásibindegi jyldy qorytyndylaǵan Qazaqstandyq AvtoBiznes qaýymdastyǵynyń sarapshylary rastap otyr.
Elimizde jyldyq óndiris kólemi 2020 jyly 77 471 birlik tehnikaǵa jetti, bul 2019 jyldyń kórsetkishinen bir jarym ese artyq (50 541 birlik). Sonyń ishinde júk avtomobilderi men avtobýstardyń óndirisi boiynsha kórsetkishterdiń óskeni baiqalady. 2020 jyly otandyq zaýyttar shamamen 40% ósimdi kórsete otyryp, 5 myńnan astam tehnika shyǵardy.
Bul rette, 2019 jyly QR mashina jasaýdaǵy avtomobil jasaý sektorynyń úlesi nebári tórtten birin (26,3%) qurasa, 2020 jyly bul kórsetkish úshten birine deiin (33,4%) ósti.
