Qazaqstanda byltyr jalpy qylmystar edáýir báseńdegenimen, ekonomikalyq qylmystar sany 25 paiyzǵa ósken. Bul týraly finprom.kz habarlady.
«Osy qylmystardyń saldarynan keltirilgen materialdyń shyǵyn kólemi 165 mlrd teńgege jetti. Bul – aldyńǵy jyldyń kórsetkishimen salystyrǵanda 2,6 ese kóp soma. Atap aitqanda memleketke 155,2 mlrd teńge, al jeke tulǵalarǵa 6,4 mlrd teńge, al zańdy tulǵalarǵa 3,3 mlrd teńge shyǵyn keltirilgen. 2020 jyldyń qańtary men jeltoqsany aralyǵynda ekonomikalyq baǵytta 1,3 myń qylmys tirkeldi. Bul kórsetkish – aldyńǵy jylǵymen salystyrǵanda 22,9%-ǵa artyq», - delingen zertteýde.
Aimaqtardy bólip qaraǵanda ekonomikalyq qylmystardyń kóbi Almaty qalasynda tirkelgen (240 jaǵdai – aldyńǵy jylmen salystyrǵanda 37,9 paiyzǵa artyq). Tizimde odan keiin Shymkent (208 jaǵdai - aldyńǵy jylmen salystyrǵanda 2,1 ese kóp) jáne Qaraǵandy oblysy (115 jaǵdai – aldyńǵy jylmen salystyrǵanda +53,3 paiyz) tur
Al osy qylmystardyń azaiý kórsetkishi 17 óńirdiń 7-eýinde baiqalǵan. Máselen, Qyzylorda oblysynda bul kórsetkish úsh ese azaisa, Qostanai oblysynda tórt ese tómendegen.
