قازاقستاندا بىلتىر جالپى قىلمىستار ەدەۋٸر بەسەڭدەگەنٸمەن, ەكونوميكالىق قىلمىستار سانى 25 پايىزعا ٶسكەن. بۇل تۋرالى finprom.kz حابارلادى.
«وسى قىلمىستاردىڭ سالدارىنان كەلتٸرٸلگەن ماتەريالدىڭ شىعىن كٶلەمٸ 165 ملرد تەڭگەگە جەتتٸ. بۇل – الدىڭعى جىلدىڭ كٶرسەتكٸشٸمەن سالىستىرعاندا 2,6 ەسە كٶپ سوما. اتاپ ايتقاندا مەملەكەتكە 155,2 ملرد تەڭگە, ال جەكە تۇلعالارعا 6,4 ملرد تەڭگە, ال زاڭدى تۇلعالارعا 3,3 ملرد تەڭگە شىعىن كەلتٸرٸلگەن. 2020 جىلدىڭ قاڭتارى مەن جەلتوقسانى ارالىعىندا ەكونوميكالىق باعىتتا 1,3 مىڭ قىلمىس تٸركەلدٸ. بۇل كٶرسەتكٸش – الدىڭعى جىلعىمەن سالىستىرعاندا 22,9%-عا ارتىق», - دەلٸنگەن زەرتتەۋدە.
ايماقتاردى بٶلٸپ قاراعاندا ەكونوميكالىق قىلمىستاردىڭ كٶبٸ الماتى قالاسىندا تٸركەلگەن (240 جاعداي – الدىڭعى جىلمەن سالىستىرعاندا 37,9 پايىزعا ارتىق). تٸزٸمدە ودان كەيٸن شىمكەنت (208 جاعداي - الدىڭعى جىلمەن سالىستىرعاندا 2,1 ەسە كٶپ) جەنە قاراعاندى وبلىسى (115 جاعداي – الدىڭعى جىلمەن سالىستىرعاندا +53,3 پايىز) تۇر
ال وسى قىلمىستاردىڭ ازايۋ كٶرسەتكٸشٸ 17 ٶڭٸردٸڭ 7-ەۋٸندە بايقالعان. مەسەلەن, قىزىلوردا وبلىسىندا بۇل كٶرسەتكٸش ٷش ەسە ازايسا, قوستاناي وبلىسىندا تٶرت ەسە تٶمەندەگەن.
