Ótken táýlikte Qazaqstanǵa PTR test tapsyrǵany týraly anyqtamasy joq 112 el azamaty ushyp keldi. Mundai derek COVID-19-dyń taralýyna jol bermeý jónindegi vedomstvoaralyq komissiianyń Telegram kanalynda jariialandy, dep habarlaidy "Ult aqparat".
26 qarashada Qazaqstanǵa Germaniia, Ulybritaniia, BAÁ, Resei, Túrkiia, Iran, Latiia jáne Mysyrdan 13 halyqaralyq áýe reisi keldi. Áýe kóligimen kelgen 1 496 jolaýshynyń 1 384-inde PTR testileýden ótkeni týraly nátije kórsetilgen anyqtamasy boldy. Al anyqtamasyz kelgen qazaqstandyqtardyń sany 112 adamdy qurady.
Naqty aitqanda, Nur-Sultan áýejaiyna 5 reispen jetken 612 jolaýshynyń 548-i anyqtamamen, al 64-i anyqtamasyz, Almaty qalasy áýejaiyna 5 reispen jetken 688 jolaýshynyń 657-si anyqtamamen, 31-i anyqtamasyz kelgen. Shymkent qalasy áýejaiyna 1 reispen 133 jolaýshy jetti. Olardyń 10-ynda anyqtama bolmai shyqty. Al Oral qalasy áýejaiyna 1 reispen ushyp kelgen 56, Aqtaý qalasy áýejaiyna 1 reispen jetken 7 jolaýshyda anyqtama boldy.
Anyqtamasyz ushyp kelgen Qazaqstan azamattary kelgen jerlerindegi karantindik statsionarlarǵa PTR-saraptama ádisimen COVID-19 arnalǵan testileýden ótý úshin ornalastyryldy, - delingen taratylǵan aqparatta.
