26 qarashada Qazaqstanda koronavirýs juqqany arnaiy testpen rastalǵan 813 adam anyqtaldy. Bir kúnde 563 adam jazyldy.
Densaýlyq saqtaý ministrliginiń aqparaty boiynsha, sársenbi kúni eń kóp naýqas Shyǵys Qazaqstan oblysynda (170) tirkelgen. Soltústik Qazaqstan oblysynda - 117, Pavlodar oblysynda - 107, Aqmola oblysynda - 76, Qostanai oblysynda - 75, Almaty qalasynda - 74, Nur-Sultanda - 71 adam, Batys Qazaqstan oblysynda - 41, Qaraǵandy oblysynda - 21, Almaty oblysynda - 21, Jambyl oblysynda - 16, Atyraý oblysynda - 12, Aqtóbe oblysynda - 5, Shymkent qalasynda - 4, Túrkistan oblysynda 3 koronavirýs infektsiiasy anyqtalǵan. Mańǵystaý jáne Qyzylorda oblystarynda naýqas tirkelmegen.
Naýryz aiynan beri koronavirýs juqqany testpen dáleldengender 129 213 adamǵa jetti: 115 myńnan astamy jazylǵan, 2008-i qaitys bolǵan.
Qazaqstannyń koronavirýs statistikasyna koronavirýs pnevmoniiasyna shaldyqqandar esebi engizilmegen. 1 tamyzdan beri 41 595 adamǵa koronavirýs pnevmoniiasy diagnozy qoiylǵan, 434 adam qaitys bolǵan, 30 myńnan astamy jazylǵan.
Densaýlyq saqtaý ministrliginiń aqparatyna sensek, elimizde 11,8 qazaqstandyq koronavirýstan emdelip jatyr.
«Qazir elimizde koronavirýs infektsiiasynan 11 816 adam emdelip júr. Olardyń arasynda 781 bala bar. Statsionarlarda 3 276 naýqas jatyr. 8 540 adam ambýlatoriiada emdelip júr.
Jalpy naýqastardyń arasynda 208 adamnyń jaǵdaiy nashar. Sonyń ishinde 31 naýqastyń jaǵdaiy asa aýyr. 30 naýqas ókpeni jasandy jeldetý apparatynda jatyr», delingen habarlamada.
