Nur-Sultan qalasynda infektsiialyq arýhanalarmen birge jedel járdem qyzmeti de shekten tys júktememen jumys istep jatyr, dep habarlaidy "Ult aqparat".
Nur-Sultan qalasy qoǵamdyq densaýlyq saqtaý basqarmasynyń basshysy Timýr Muratovtyń aitýynsha, elordalyqtardan táýlik saiyn koronavirýs indetimen bailanysty 300-den astam qońyraý túsip jatyr.
«Ásirese, azamattar ózderin-ózi úi jaǵdaiynda emdelýine bailanysty juqpaly aýrýlar aýrýhanalaryna kovidtiń aýyr túrimen túsip jatqanyn atap ótkim keledi. Meditsinalyq kómekke birden júginbeý, dárigerdiń qaraýynsyz tikelei antikoagýlianttarmen emdelgen naýqastardy reanimatsiia bólimshesine aýystyrýǵa týra keledi», - deidi maman.
Basqarma basshysy turǵyndardan túsetin shaqyrtýlarǵa úlgerýdiń ózi problemaǵa ainalǵanyn aitady.
«Qazirgi ýaqytta jedel járdem brigadalary men mobildi brigadalardyń jumysynda da úlken júkteme baiqalyp tur. Tek ótken táýlikte jedel járdem stantsiiasyna túsken qońyraýlar sany – 4 myńnan asty. Shaqyrtýlar sany – 2 300. KVI boiynsha qońyraýlar sany - táýligine 300-den asyp otyr», - dedi Timýr Muratov.
Sondai-aq, ol PTR test arqyly táýligine 1 369 jańa jaǵdai tirkelip turǵanyn jetkizdi.
