نۇر-سۇلتان قالاسىندا ينفەكتسييالىق ارۋحانالارمەن بٸرگە جەدەل جەردەم قىزمەتٸ دە شەكتەن تىس جٷكتەمەمەن جۇمىس ٸستەپ جاتىر, دەپ حابارلايدى "ۇلت اقپارات".
نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆتىڭ ايتۋىنشا, ەلوردالىقتاردان تەۋلٸك سايىن كوروناۆيرۋس ٸندەتٸمەن بايلانىستى 300-دەن استام قوڭىراۋ تٷسٸپ جاتىر.
«ەسٸرەسە, ازاماتتار ٶزدەرٸن-ٶزٸ ٷي جاعدايىندا ەمدەلۋٸنە بايلانىستى جۇقپالى اۋرۋلار اۋرۋحانالارىنا كوۆيدتٸڭ اۋىر تٷرٸمەن تٷسٸپ جاتقانىن اتاپ ٶتكٸم كەلەدٸ. مەديتسينالىق كٶمەككە بٸردەن جٷگٸنبەۋ, دەرٸگەردٸڭ قاراۋىنسىز تٸكەلەي انتيكواگۋليانتتارمەن ەمدەلگەن ناۋقاستاردى رەانيماتسييا بٶلٸمشەسٸنە اۋىستىرۋعا تۋرا كەلەدٸ», - دەيدٸ مامان.
باسقارما باسشىسى تۇرعىنداردان تٷسەتٸن شاقىرتۋلارعا ٷلگەرۋدٸڭ ٶزٸ پروبلەماعا اينالعانىن ايتادى.
«قازٸرگٸ ۋاقىتتا جەدەل جەردەم بريگادالارى مەن موبيلدٸ بريگادالاردىڭ جۇمىسىندا دا ٷلكەن جٷكتەمە بايقالىپ تۇر. تەك ٶتكەن تەۋلٸكتە جەدەل جەردەم ستانتسيياسىنا تٷسكەن قوڭىراۋلار سانى – 4 مىڭنان استى. شاقىرتۋلار سانى – 2 300. كۆي بويىنشا قوڭىراۋلار سانى - تەۋلٸگٸنە 300-دەن اسىپ وتىر», - دەدٸ تيمۋر مۇراتوۆ.
سونداي-اق, ول پتر تەست ارقىلى تەۋلٸگٸنە 1 369 جاڭا جاعداي تٸركەلٸپ تۇرعانىن جەتكٸزدٸ.
