28 qarasha kúni Qazaqstanda PTR testimen rastalǵan koronavirýs indetin juqtyrǵan 826 naýqas tirkeldi. Bul týraly Covid infektsiiasyn taratpaý jónindegi vedomstvoaralyq komissiia habarlady. Naýqastardyń tórtten úshin eldiń soltústik jáne shyǵys bóligindegi aimaqtardyń úlesinde.
Covid naýqastarynyń jalpy sany jóninen sanaýly kún buryn birinshi orynǵa shyqqan Shyǵys Qazaqstan oblysynda koronavirýsty taǵy 145 adamnyń juqtyrǵany anyqtalyp otyr. Kúz bastalǵaly aimaqtar boiynsha kósh bastap kelgen bul oblysta 28 qazannan bastap kúndelik anyqtalatyn naýqastar úsh tańbaly sanmen belgilendi. Oǵan deiin aýrýǵa shaldyqqandardyń táýlik kórsetkishi 30-dan aspaǵan.
Pavlodar oblysynda - 120, Soltústik Qazaqstan oblysynda 105 adam Covid juqtyrǵandar qataryna qosyldy. Odan keiingi oryndarda: Aqmola oblysy (86), Qostanai oblysy (85) jáne Nur-Sultan qalasy (83).
Túrkistan oblysynda 2, Aqtóbe jáne Qyzylorda oblystarynda 1 naýqastan tirkelgen.
Qalǵan aimaqtardaǵy jaǵdai mynadai:
Almaty qalasy – 73
Shymkent qalasy – 6
Almaty oblysy – 33
Atyraý oblysy – 18
Jambyl oblysy – 14
Batys Qazaqstan oblysy – 39
Qaraǵandy oblysy – 25
Elde virýs juqtyrǵandar barlyǵy 130 865 adamǵa jetti. Onyń ishinde 116 187 adam aýrýdan aiyǵyp úlgergen. 28 qarashadaǵy resmi málimet boiynsha, Covid aýrýynan barlyǵy 2020 adam qaitys bolǵan.
Esebi 1 tamyzdan beri koronavirýs pnevmoniiasy 28 qarashaǵa deiin barlyǵy 41 940 adam shaldyqqan. Onyń ishinde 440 adam aýrýdan aiyǵa almai qaitys bolǵan.
Qazirgi ýaqytta koronavirýs infektsiiasynan 12 651 adam em qabyldaýdy jalǵastyrýda. Onyń arasynda 895 bala bar.
Statsionarlarda 3 392 naýqas jatyr. 9 259 adam ambýlatoriialyq jaǵdaida emdelýde.
Jalpy naýqastardyń arasynda 214 adamnyń ahýaly nashar.
Sonyń ishinde 32 naýqastyń ahýaly asa qatty aýyr dep baǵalanǵan.
32 naýqas ókpeni jasandy jeldetý apparatynda jatyr.
