Qazaqstanda koronavirýs juqtyrǵandar taǵy kóbeidi. 30 maýsymda 2436 adamnyń koronavirýs testi oń shyqty. Bul aldyńǵy kúnmen salystyrǵanda shamamen 400 adamǵa kóp.
Sársenbi kúni naýqastardyń shamamen úshten biri Nur-Sultannan anyqtalǵan. Munda bir kúnde 807 adamnyń koronavirýs testi rastalǵan. Qaraǵandyda – 394, Almatyda – 305, Batys Qazaqstan oblysynda – 121, Shymkentte – 143, Atyraý oblysynda 98 naýqas tirkelgen. Eń az naýqas Soltústik Qazaqstanda (20) tirkelgen.
Qazaqstanda "úndistandyq shtamnyń" taralyp jatqany jaily aqparat shyqqaly beri koronavirýs juqtyrǵandar kóbeiip jatyr. Densaýlyq saqtaý ministrligi ótken aptadan beri naýqastar 39 paiyzǵa ulǵaiǵanyn habarlaǵan.
29 maýsymda 88 adamnan pnevmoniianyń koronavirýsqa uqsas túri (koronavirýs pnevmoniiasy) anyqtalǵan. Bir kúnde 29 adam koronavirýstan qaitys bolǵan: 26 adam – koronavirýstan, 3 adam koronavirýs pnevmoniiasynan kóz jumdy dep aitylady.
2020 jyldyń naýryz aiynan beri elde 425 573 adamnyń koronavirýs testi oń shyqqan. Sodan beri 4 375 adam qaitys bolǵan. 1 tamyzdan beri 57 113 adam koronavirýs pnevmoniiasyna shaldyqqan, 3 449-y qaitys bolǵan.
1 shildedegi málimet boiynsha, elimizde koronavirýs infektsiiasynan 26 122 adam (24 802 KVI+ jáne 1 320 KVI-) emdelip jatyr. Olardyń ishinde 7 738 patsient - statsionarda, 18 384 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
- 488 adamnyń jaǵdaiy aýyr,
- 103 patsienttiń jaǵdaiy óte aýyr,
- 68 naýqas ókpeni jasandy jeldetý apparatyna qosylǵan.
Qazaqstanda koronavirýsqa qarsy vaktsinanyń keminde birinshi dozasyn alǵandar 3 mln 413 myń adamǵa jetti. 2 mln adamǵa vaktsinanyń eki dozasy salynǵan.
Sozdai-aq, 1 shildedegi jaǵdai boiynsha Qazaqstan óńirlerindegi epidemiologiialyq ahýaldy baǵalaý matritsasy da jariialandy.
«Qyzyl» aimaqta: Nur-Sultan, Almaty, Shymkent qalalary, Atyraý, Batys Qazaqstan jáne Qaraǵandy oblystary.
«Sary» aimaqta: Aqmola, Aqtóbe, Qostanai jáne Mańǵystaý, Pavlodar oblystary.
«Jasyl» aimaqta: Almaty, Jambyl, Qyzylorda, Soltústik Qazaqstan, Túrkistan jáne Shyǵys Qazaqstan oblystary.
Djons Hopkins ýniversitetiniń málimetinshe, indet bastalǵaly beri álemde 182 mln 151 myń adam koronavirýs aýrýyna shaldyqqan. 3 mln 945 myń adam qaitys bolǵan. Koronavirýs juqtyrǵandar sany jóninen Qazaqstan álemde 45-orynda tur.
