قازاقستاندا كوروناۆيرۋس جۇقتىرعاندار تاعى كٶبەيدٸ. 30 ماۋسىمدا 2436 ادامنىڭ كوروناۆيرۋس تەستٸ وڭ شىقتى. بۇل الدىڭعى كٷنمەن سالىستىرعاندا شامامەن 400 ادامعا كٶپ.
سەرسەنبٸ كٷنٸ ناۋقاستاردىڭ شامامەن ٷشتەن بٸرٸ نۇر-سۇلتاننان انىقتالعان. مۇندا بٸر كٷندە 807 ادامنىڭ كوروناۆيرۋس تەستٸ راستالعان. قاراعاندىدا – 394, الماتىدا – 305, باتىس قازاقستان وبلىسىندا – 121, شىمكەنتتە – 143, اتىراۋ وبلىسىندا 98 ناۋقاس تٸركەلگەن. ەڭ از ناۋقاس سولتٷستٸك قازاقستاندا (20) تٸركەلگەن.
قازاقستاندا "ٷندٸستاندىق شتامنىڭ" تارالىپ جاتقانى جايلى اقپارات شىققالى بەرٸ كوروناۆيرۋس جۇقتىرعاندار كٶبەيٸپ جاتىر. دەنساۋلىق ساقتاۋ مينيسترلٸگٸ ٶتكەن اپتادان بەرٸ ناۋقاستار 39 پايىزعا ۇلعايعانىن حابارلاعان.
29 ماۋسىمدا 88 ادامنان پنەۆمونييانىڭ كوروناۆيرۋسقا ۇقساس تٷرٸ (كوروناۆيرۋس پنەۆمونيياسى) انىقتالعان. بٸر كٷندە 29 ادام كوروناۆيرۋستان قايتىس بولعان: 26 ادام – كوروناۆيرۋستان, 3 ادام كوروناۆيرۋس پنەۆمونيياسىنان كٶز جۇمدى دەپ ايتىلادى.
2020 جىلدىڭ ناۋرىز ايىنان بەرٸ ەلدە 425 573 ادامنىڭ كوروناۆيرۋس تەستٸ وڭ شىققان. سودان بەرٸ 4 375 ادام قايتىس بولعان. 1 تامىزدان بەرٸ 57 113 ادام كوروناۆيرۋس پنەۆمونيياسىنا شالدىققان, 3 449-ى قايتىس بولعان.
1 شٸلدەدەگٸ مەلٸمەت بويىنشا, ەلٸمٸزدە كوروناۆيرۋس ينفەكتسيياسىنان 26 122 ادام (24 802 كۆي+ جەنە 1 320 كۆي-) ەمدەلٸپ جاتىر. ولاردىڭ ٸشٸندە 7 738 پاتسيەنت - ستاتسيوناردا, 18 384 ناۋقاس امبۋلاتورييالىق دەڭگەيدە ەم قابىلداۋدا.
كۆي+, كۆي- شالدىققانداردىڭ اراسىندا:
- 488 ادامنىڭ جاعدايى اۋىر,
- 103 پاتسيەنتتٸڭ جاعدايى ٶتە اۋىر,
- 68 ناۋقاس ٶكپەنٸ جاساندى جەلدەتۋ اپپاراتىنا قوسىلعان.
قازاقستاندا كوروناۆيرۋسقا قارسى ۆاكتسينانىڭ كەمٸندە بٸرٸنشٸ دوزاسىن العاندار 3 ملن 413 مىڭ ادامعا جەتتٸ. 2 ملن ادامعا ۆاكتسينانىڭ ەكٸ دوزاسى سالىنعان.
سوزداي-اق, 1 شٸلدەدەگٸ جاعداي بويىنشا قازاقستان ٶڭٸرلەرٸندەگٸ ەپيدەميولوگييالىق احۋالدى باعالاۋ ماتريتساسى دا جارييالاندى.
«قىزىل» ايماقتا: نۇر-سۇلتان, الماتى, شىمكەنت قالالارى, اتىراۋ, باتىس قازاقستان جەنە قاراعاندى وبلىستارى.
«سارى» ايماقتا: اقمولا, اقتٶبە, قوستاناي جەنە ماڭعىستاۋ, پاۆلودار وبلىستارى.
«جاسىل» ايماقتا: الماتى, جامبىل, قىزىلوردا, سولتٷستٸك قازاقستان, تٷركٸستان جەنە شىعىس قازاقستان وبلىستارى.
دجونس حوپكينس ۋنيۆەرسيتەتٸنٸڭ مەلٸمەتٸنشە, ٸندەت باستالعالى بەرٸ ەلەمدە 182 ملن 151 مىڭ ادام كوروناۆيرۋس اۋرۋىنا شالدىققان. 3 ملن 945 مىڭ ادام قايتىس بولعان. كوروناۆيرۋس جۇقتىرعاندار سانى جٶنٸنەن قازاقستان ەلەمدە 45-ورىندا تۇر.
