Ótken aptada Sybailas jemqorlyqqa qarsy qyzmet 80-nen astam sotqa deiingi tergeýdi tirkedi. Bul týraly AntikorNews baǵdarlamasynda aityldy, dep habarlaidy "Ult aqparat".
«12 laýazymdy tulǵa ustaldy, 10 tulǵaǵa qatysty «qamaýda ustaý» túrindegi bultartpaý sharasy qoldanyldy», - deidi QR Sybailas jemqorlyqqa qarsy is-qimyl agenttigi birinshi departamentiniń asa mańyzdy ister jónindegi tergeýshisi Daniiar Biǵaidarov.
Sondai-aq, Nur-Sultan qalasynyń sybailas jemqorlyqqa qarsy qyzmeti «Nur-Sultan qalasynyń Qalalyq orta sapasy jáne baqylaý basqarmasy» MM-niń basshysy men basqa da tulǵalaryna qatysty sotqa deiingi tergeýdi bastady.
«Olar 100 000 teńgeden 1 000 000 teńgege deiingi aqshalai syiaqy úshin zańdy tulǵalarǵa qurylys-montajdaý jumystarymen ainalysýǵa 1,2,3-sanattaǵy litsenziialardy zańsyz berý boiynsha quqyqqa qarsy qylmystyq shemany qoldandy», - deidi ol.
