Ótken apta ishinide elimizdiń aýmaǵynda 3 myńnan astam qylmys jasaldy. Bul týraly QR Ishki ister ministrliginiń resmi ókili Nurdildá Oraz málim etti, dep habarlaidy "Ult aqparat".
«Bir apta ishinde 3 121 qylmys jasaldy, onyń 2 071 táýlik ishinde ashyldy. Politsiia qyzmetkerleri «izin sýytpai» 15 kisi óltirýdi, 1 ólimge ákep soqqan densaýlyqqa qasaqana aýyr ziian keltirýdi, 3 qaraqshylyq, 37 tonaý jáne 519 bóten múlikti urlaý qylmystaryn ashty», - dedi resmi ókil IIM baspasóz qyzmeti alańynda ótken brifing barysynda.
Sonymen qatar ol ótken aptada qazaqstandyq tártip saqshylary kásibi mereke-politsiia kúnin atap ótkendigin eske saldy.
«Ókinishke qarai, Táýelsizdik jyldary qyzmettik boryshyn oryndaý kezinde 802 qyzmetker qaza taýyp, 2 650 adam jaraqat aldy. Ishki ister organdary qyzmetkerleriniń qaisarlyǵy men batyldyǵyn el basshylyǵy únemi joǵary baǵalaidy. Osy jyldyń ózinde Memleket basshysynyń Jarlyqtarymen 27 qyzmetker memlekettik nagradalarmen, ishki ister organdarynyń 3 560 qyzmetkeri vedomstvolyq nagradalarmen marapattaldy», - dedi Nurdildá Oraz.
