Foto: DINARAJÝNÝSOVA/facebook
Dintanýshy Muhan Isahan depýtat Ardaq Nazarovtyń otqa mai quiý dástúriniń shariǵatqa qarsy ekenin aitqan pikirine qatysty óz ýájin jetkizdi, dep habarlaidy Ult.kz.
Dintanýshy facebook paraqshasynda otqa mai quiý dástúri aýrýdyń aldyn alý, bakteriialardy joiý úshin jasalǵan ǵuryp ekenin jetkizedi.
"Dintanýshy bolǵan soń, keide qazaqtyń yrym-tiymdarynyń astaryna úńilemiz. Sonyń biri, depýtat A.Nazarov hadiske teris dep sanaǵan - otqa mai quiý dástúri. Májýsilik nanymynda jaryqty jaqsylyqtyń nyshany dep qarastyryp, otqa kýlt retinde qaraý túsinigi qalyptasqan. Kóbisi qazaqtyń yrym-tiymyndaǵy otqa mai quiý dástúrin osy zoroastarizm seniminiń sarqynshaǵy dep oilaidy. Biraq, áste olai emes. Sebebi...
Eski zamanda emshiler keibir oba, topalań, aýsyl sekildi aýrýlardy ot jaǵyp, bakteriiasyn óltirip, juqpaly dertten jurtty aiyqtyrǵan. Ásirese, osy kúnge deiin oba dertiniń emi tabylǵan emes. Oba shyqqan jerdi qazirgi meditsinanyń ózi órtep jiberip, páleketten qutylady. Atam Qazaq aýsyl, topalańǵa ushyraǵan maldy alaýlaǵan ottyń ishinen aidap ótkizip, bakteriiasyn óltirip, aýrýynan emdegen. Tap sol tárizdi otqa mai quiý dástúri dezinfiktsiialaý úshin jasalǵan. Bir elge bóten adam kelgende, ózimen birge aýrýdyń bakteriiasyn ákelgen bolsa, bógdeler ziian kórip júrmesin dep ony otpen alastaǵan. Kelin túskende, mai quiýmen otty alaýlatyp jaǵyp, bosaǵadan oń aiaǵymen attattyryp, shańyraqqa kirgizgen. Bul qazaq halqynyń meditsinalyq-profilaktikalyq em sharasy", -dep otyr Muhan Isahan.
Sózin túiindegen ol "Yrym-tiymdar hadispen úilesim tabýy kerek" degen Ardaq Nazarovtyń sózine: "Alla Elshisi (s.ǵ.s): "Úsh nársede paida bar: hijama, bal shárbaty, otpen kúidirý. Biraq zárýlik bolmasa, oten kúidirmegen jón" (Buqari, Tib/3) - deidi. Demek, otqa mai quiý hadiske qaishy emes!" -degendi aitqan.
Eske sala keteiik, Májilis depýtaty Ardaq Nazarov aqylǵa qonymdy yrym-tyiymdar bolsa qoldaitynyn, al eger shariǵatqa sáikes emes, ár túrli ziian keltiretin aqylǵa qonymsyz yrym-tyiymdar bolsa qoldamaitynyn aitqan.
"Máselen, otqa mai quiý deimiz. Taǵy qaisyn aitsaq bolady? Kóp qoi endi yrymdar… Bizdegi yrym-tyiymdardyń kóbisi hadistermen bailanysty eken. Iaǵni bizdiń Islam dinimen bite qainasyp ketken yrym-tyiymdar óte kóp eken.Sońǵy kezde sony oqyp tańǵaldym. Mysaly, tabaldyryqta turmaý, esikti kermeý siiaqty yrym-tyiymdar túp negizi hadiske negizdelgen eken",- degen bolatyn Ardaq Nazarov.
