Bolat Ótemuratov "Qazaqstan halqyna" qoǵamdyq qoryna 10 milliard teńge aýdardy, dep habarlandy Sputnik Qazaqstan.
Qor prezident Qasym-Jomart Toqaevtyń 11 qańtarda Qazaqstan parlamentinde bergen tapsyrmasy boiynsha 15 qańtarda quryldy.
Qor qarajaty azamattardyń densaýlyq saqtaý, bilim, mádeniet jáne sport salalaryndaǵy máselelerin sheshýge jumsalady. Tótenshe jaǵdailar kezinde jáne tótenshe jaǵdai rejiminiń engizilýine bailanysty zardap shekken qazaqstandyqtarǵa da kómek kórsetiledi dep josparlanyp otyr.
Sonymen qatar qor balalar men áleýmettik osal toptaǵy muqtajdar úshin sport infraqurylymyn damytý jáne qoljetimdiligin arttyrý jobalaryna qatysady. Qordyń taǵy bir basym baǵyty – Qazaqstan Respýblikasynyń aýmaqtyq tutastyǵy men qaýipsizdigin qorǵaý jolynda qaza tapqan quqyq qorǵaý, arnaiy organdar, áskeri qyzmetkerlerdiń otbasylaryna qoldaý kórsetedi.
