Otbasy qundylyqtaryn nasihattaýǵa arnalǵan erekshe baiqaýdyń basty júldesi – otbasylyq kásibi fotosessiia.
Nur-Sultan qalasynda jańa chellendj bastaldy. Oǵan eresekter men balalar qatysady. Qatysýshylar biraz jyl buryn túsirilgen fotosýretti qaitalap, videoǵa ainaldyrýy kerek. Iaǵni, olar muraǵattan bir fotosýret taýyp, dál sondai lokatsiiada qaita túsirýi qajet.
«Qazir kóp adam karantin kezinde kópshilikti biriktirýge arnalǵan túrli chellendj, fleshmobtar uiymdastyrýda. Biz otbasy tatýlyǵyn arttyryp, olardyń qarym-qatynasyn nyǵaita túsýdi maqsat ettik. Qazir kóp elde karantin saldarynan otbasylyq janjaldar men turmystyq zorlyq-zombylyqtar jiilep ketti. Biz otbasy qundylyqtarynyń qanshalyqty mańyzdy ekenin kórsetkimiz keledi. Bul kriteriiler jeńimpazdy anyqiaý kezinde mańyzdy bolady», – deidi chellendj uiymdastyrýshysy Daniiar Esen.
Baiqaýǵa instagram jelisindegi @daniyar_yesen paraqshasynda kórsetilgen #myvmeste #vmestessemei #janýia heshtegteri arqyly qatysýǵa bolady. Qatysýshylar videony óńdep, óz paraqshasynda jariialaýy kerek (jarys kezinde paraqsha belsendi ári ashyq bolýy qajet).
Baiqaý qorytyndysy 15 mamyr kúni jariialanady. Basty syilyq – otbasylyq kásibi fotosessiia. Elordalyq belsendi turǵyndar tótenshe jaǵdai men karantin rejimine bailanysty qala turǵyndary arasynda tamaq daiyndaý, qolóner, psihologiia, sport jáne bilim berý salalary boiynsha kóptegen onlain-kýrstar uiymdastyrady.
