Foto: elements.envato.com
"Otbasy bank" depozitterdi satý qyzmeti toqtaitynyn málimdedi, - dep habarlaidy "Ult aqparat".
"2023 jyldyń 21 tamyzynan bastap Otbasy bankinde depozitti aqyly túrde tabystaý (depozitti satý) qoljetimsiz bolady.
Onlain tabystaý – bul depozitterdiń onlain dúkeni ispettes. Onda klientterdiń biri salymdaryn sata alsa, ekinshileri jinaqtaý jolyn jyldamdatyp, zaemdy tezirek alý úshin Otbasy bankinen shot satyp ala alady.
Ótken jyldyń alǵashqy jartysynda bul múmkindikti 1647 adam paidalanǵan. Biylǵy jyldyń dál osy kezeńinde depozitterdi satyp alyp, zaem rásimdegen biregei klientterdiń sany eki ese azaiyp, 973 adamdy quraǵan. Al birinshi jartyjyldyqta Otbasy bank 28 800 kredit bergen. Bul bank klientteri jinaqtaý mádenietin ustana otyryp, bolashaqta turǵyn úi satyp alý úshin ózderi depozit ashyp, sonda qarajat jinaýdy jón sanaitynyn kórsetedi.
Tek biylǵy jyldyń basynan beri 273 465 qazaqstandyq jańa jinaq shotyn ashty. Otbasy bankinde depozitke aqsha jinap júrgen qazaqstandyqtar elimizdegi eń tómengi mólsherlememen – 2%-dan 14,4%-ǵa deiin (JTSM 2%-dan bastap) kredit ala alady", - delingen habarlamada
Aita keteiik, Otbasy bankinde depozitterdi týysqandarǵa tabystaý qyzmeti saqtalyp qalady. Ony tek bank bólimshelerinde ǵana emes, «Otbasy bank» mobildi qosymshasynda onlain rejiminde de jasaýǵa bolady. Qyzmet 5-10 minýt ýaqytty alady.
"Atalǵan qyzmetti týysqandardyń kelesi sanattary paidalana alady: áieli-kúieýi, ata-anasy, balalary, asyrap alýshylar, asyrap alynǵandar, bir ata-anadan nemese ártúrli ata-anadan týǵan aǵa-inileri men apa-sińlileri, atasy, ájesi, nemereleri, ata-anasynyń bir ata-anadan nemese ártúrli ata-anadan týǵan aǵa-inileri men apa-sińlileri, nemere aǵalary jáne ata-ájeleri, nemere aǵalar, apalar men naǵashylar, nemere aǵalar jáne jiender. Bul rette, «Otbasy bank» mobildi qosymshasynda onlain rejiminde depozitti tek tikelei týystarǵa – jubaiy, ata-anasy, balalary, asyrap alýshylary (asyrap alynǵandar), týǵan aǵa-inileri men apa-sińlileri arasynda ǵana tabystaýǵa bolady.
Bir jaqsysy, bank bólimshelerinde týystyq qatynasy joq, biraq ortaq týystary bar adamdar arasynda depozitterdi tabystaýǵa bolady. Mysaly, salymshy bir mámile aiasynda jarynyń aǵasyna óz depozitin tabystai alady. Ol úshin neke (erli-zaiyptylyq týraly kýálik) jáne týystyq qatynasty rastaityn qujattar (týý týraly kýálikter, tegi men ákesiniń atynyń tolyq sáikes kelýi kezinde teginiń ózgergenin rastaityn qujat – operatsiia jeke basyn kýálandyratyn qujat negizinde jasalady) qajet. Bul qyzmet aralyq býyn arqyly tabystaý dep atalady" - delingen habarlamada.
