«Otbasy banki» bazasynda «Turǵyn úimen qamtamasyz etý jónindegi ortalyq» qurylady. Bul týraly Úkimet otyrysynda turǵyn úi saiasatynyń jańa tásilderin jariialaǵan QR Indýstriia jáne infraqurylymdyq damý ministri Beibit Atamqulov aitty, dep habarlaidy QazAqparat.
«Kezek máselesin sheshý úshin Memleket basshysy jergilikti atqarýshy organdardaǵy turǵyn úi kezektiligin bere otyryp, «Qazaqstannyń turǵyn úi qurylys jinaq banki» negizinde tolyqqandy damý jáne qoldaý institýty retinde «Otbasy bank» qurýdy tapsyrǵan bolatyn. «Otbasy banki» jumysynyń negizgi qaǵidaty eń aldymen, halyqtyń áleýmettik osal toptary úshin baspananyń qoljetimdiligin arttyrýǵa baǵyttalady», - dedi ministr.
Onyń aitýynsha, «Otbasy banki» bazasynda «Turǵyn úimen qamtamasyz etý jónindegi ortalyq» qurylady.
«Ol úige muqtaj jandardy esepke alady. Sondai-aq, qoljetimdilik satysyna sáikes turǵyn úidi kezekke qoiylǵan kúni boiynsha bóledi. «Turǵyn úimen qamtamasyz etý jónindegi ortalyq» bazasy jeke tulǵalardyń memlekettik derekqorlarymen integratsiialanady. Bazaǵa derekti qaita engizýge jol berilmeidi. Azamattar memlekettik baǵdarlamalarǵa bir ret qana qatysa alady», - dedi Beibit Atamqulov.
