Foto: ashyq derekkózden
«Otbasy» banki elimizdiń 20 millionynshy turǵyny atanǵan 5 balaǵa 2 mln teńgeden beredi. Bul týraly «Otbasy banki» AQ basqarma tóraǵasy Lázzat Ibragimova aitty, dep habarlaidy Kazinform agenttigi.
«Otbasy banki» elimizdiń 20 mln-shy turǵyny atanǵan balalardyń bolashaǵyna óz úlesin qosqysy keledi. Biz olarǵa 2 mln teńge nominaldy quny bar syilyq sertifikatyn syilaimyz. Bul sertifikat – jai ǵana syilyq emes. Ol – jarqyn bolashaqqa joldama. Bul qarajat jeke baspana satyp alýdyń alǵashqy qadamy bolady», - dedi ol Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, sertifikatty qoldaný úshin balalardyń ata-analar ózderi turyp jatqan qaladaǵy bank filialyna baryp, jeke kýáligin, balanyń týý týraly kýáligin kórsetýi kerek. Sonymen qatar videobanking arqyly da habarlasýǵa bolady.
«Ol úshin ata-analarǵa 3 ai ýaqyt beriledi», - dedi Lázzat Ibragimova.
