فوتو: اشىق دەرەككٶزدەن
«وتباسى» بانكٸ ەلٸمٸزدٸڭ 20 ميلليونىنشى تۇرعىنى اتانعان 5 بالاعا 2 ملن تەڭگەدەن بەرەدٸ. بۇل تۋرالى «وتباسى بانكٸ» اق باسقارما تٶراعاسى لەززات يبراگيموۆا ايتتى, دەپ حابارلايدى Kazinform اگەنتتٸگٸ.
«وتباسى بانكٸ» ەلٸمٸزدٸڭ 20 ملن-شى تۇرعىنى اتانعان بالالاردىڭ بولاشاعىنا ٶز ٷلەسٸن قوسقىسى كەلەدٸ. بٸز ولارعا 2 ملن تەڭگە نومينالدى قۇنى بار سىيلىق سەرتيفيكاتىن سىيلايمىز. بۇل سەرتيفيكات – جاي عانا سىيلىق ەمەس. ول – جارقىن بولاشاققا جولداما. بۇل قاراجات جەكە باسپانا ساتىپ الۋدىڭ العاشقى قادامى بولادى», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
ونىڭ اتاپ ٶتۋٸنشە, سەرتيفيكاتتى قولدانۋ ٷشٸن بالالاردىڭ اتا-انالار ٶزدەرٸ تۇرىپ جاتقان قالاداعى بانك فيليالىنا بارىپ, جەكە كۋەلٸگٸن, بالانىڭ تۋۋ تۋرالى كۋەلٸگٸن كٶرسەتۋٸ كەرەك. سونىمەن قاتار ۆيدەوبانكينگ ارقىلى دا حابارلاسۋعا بولادى.
«ول ٷشٸن اتا-انالارعا 3 اي ۋاقىت بەرٸلەدٸ», - دەدٸ لەززات يبراگيموۆا.
