OTAU TV ulttyq spýtnik teleradio habaryn taratý jelisiniń paida bolǵanyna 10 jyl toldy.
Bul jaiynda Aqparat jáne qoǵamdyq damý ministri Aida Balaeva Facebook paraqshasynda jazdy.
«Osydan 10 jyl buryn 2011 jyldyń 18 qańtarynda elimizde OTAU TV ulttyq spýtniktik teleradio habarlaryn taratý jelisi óz jumysyn bastaǵan bolatyn. Sodan beri OTAU TV spýtnik qyzmeti elimizdiń barlyq aimaǵyna joǵary sapaly aqparat taratyp keledi. Búginde ony qoldanýshylardyń sany 1,5 millionǵa jetip otyr. Halyqqa habar jetkizýdi qamtamasyz etý isinde «Qazteleradio» mekemesi únemi izdenis ústinde. Búginde spýtniktik jáne efirlik teleradio habarlaryn taratýdy tolyq tsifrlandyrýmen qatar internet-teledidar formatyn da ońai igerip, nátijeli iske asyryp keledi» dep jazady Aida Balaeva.
Onyń aitýynsha, bul mekeme 60-tan astam otandyq teleradioarnalardy biriktirip, elimizdiń barlyq aimaǵynyń kez kelgen núktesine sapaly ári jyldam jáne eń bastysy tutynýshylarǵa tegin aqparat jetkizip otyr.
Árine osyndai aýqymdy jumystyń tabysty iske asýy – qatardaǵy qyzmetkerlerden quralǵan úlken ujymnyń tabandy eńbegi men júieli jumystarynyń nátijesi ekeni daýsyz.
«Sondyqtan «Qazteleradio» AQ ujymyn osy mereili datalyq merekemen shyn júrekten quttyqtaimyn. Aldaǵy ýaqytta da qoǵamǵa túrli deńgeide habar taratýdyń qoldanys aiasyn keńeitip, ujymdyq jumystaryńyzdyń áleýeti odan ary arta bersin. El igiligin kózdegen qyzmetterińizge tolaiym tabys tileimin» dep túiindedi sózin ministr.
