OTAU TV ۇلتتىق سپۋتنيك تەلەراديو حابارىن تاراتۋ جەلٸسٸنٸڭ پايدا بولعانىنا 10 جىل تولدى.
بۇل جايىندا اقپارات جەنە قوعامدىق دامۋ مينيسترٸ ايدا بالاەۆا Facebook پاراقشاسىندا جازدى.
«وسىدان 10 جىل بۇرىن 2011 جىلدىڭ 18 قاڭتارىندا ەلٸمٸزدە OTAU TV ۇلتتىق سپۋتنيكتٸك تەلەراديو حابارلارىن تاراتۋ جەلٸسٸ ٶز جۇمىسىن باستاعان بولاتىن. سودان بەرٸ OTAU TV سپۋتنيك قىزمەتٸ ەلٸمٸزدٸڭ بارلىق ايماعىنا جوعارى ساپالى اقپارات تاراتىپ كەلەدٸ. بٷگٸندە ونى قولدانۋشىلاردىڭ سانى 1,5 ميلليونعا جەتٸپ وتىر. حالىققا حابار جەتكٸزۋدٸ قامتاماسىز ەتۋ ٸسٸندە «قازتەلەراديو» مەكەمەسٸ ٷنەمٸ ٸزدەنٸس ٷستٸندە. بٷگٸندە سپۋتنيكتٸك جەنە ەفيرلٸك تەلەراديو حابارلارىن تاراتۋدى تولىق تسيفرلاندىرۋمەن قاتار ينتەرنەت-تەلەديدار فورماتىن دا وڭاي يگەرٸپ, نەتيجەلٸ ٸسكە اسىرىپ كەلەدٸ» دەپ جازادى ايدا بالاەۆا.
ونىڭ ايتۋىنشا, بۇل مەكەمە 60-تان استام وتاندىق تەلەراديوارنالاردى بٸرٸكتٸرٸپ, ەلٸمٸزدٸڭ بارلىق ايماعىنىڭ كەز كەلگەن نٷكتەسٸنە ساپالى ەرٸ جىلدام جەنە ەڭ باستىسى تۇتىنۋشىلارعا تەگٸن اقپارات جەتكٸزٸپ وتىر.
ەرينە وسىنداي اۋقىمدى جۇمىستىڭ تابىستى ٸسكە اسۋى – قاتارداعى قىزمەتكەرلەردەن قۇرالعان ٷلكەن ۇجىمنىڭ تاباندى ەڭبەگٸ مەن جٷيەلٸ جۇمىستارىنىڭ نەتيجەسٸ ەكەنٸ داۋسىز.
«سوندىقتان «قازتەلەراديو» اق ۇجىمىن وسى مەرەيلٸ داتالىق مەرەكەمەن شىن جٷرەكتەن قۇتتىقتايمىن. الداعى ۋاقىتتا دا قوعامعا تٷرلٸ دەڭگەيدە حابار تاراتۋدىڭ قولدانىس اياسىن كەڭەيتٸپ, ۇجىمدىق جۇمىستارىڭىزدىڭ ەلەۋەتٸ ودان ارى ارتا بەرسٸن. ەل يگٸلٸگٸن كٶزدەگەن قىزمەتتەرٸڭٸزگە تولايىم تابىس تٸلەيمٸن» دەپ تٷيٸندەدٸ سٶزٸن مينيستر.
