FOTO: I.YTIMG.COM
Qazaqstandyq Otau TV spýtniktik televidenie operatory reseilik telearnalardy, sonyń ishinde "Pervyi kanaldy" habar taratý jelisinen alyp tastady, - dep habarlaidy Sputnik Qazaqstan.
"Aqparattyq arnalar sanyn qysqartý aiasynda "Pervyi kanal SNG", "Poehali", "Vremia: dalekoe i blizkoe", "Dom kino", "Telekafe", "Dom kino Premium", "Mýzyka Pervogo", "Pobeda", "Karýsel", "Bober", "O!" telearnalaryn kórsetýdi toqtatý týraly sheshim qabyldandy", - dep túsinikteme berdi TVcom.
Sonymen qatar olar kóńil kóteretin kontent jasaityn telearnalar sanynyń kóbeigenin habarlady.
"2024 jyldyń qańtar aiynyń basynda biz spýtniktik jáne internet-TV paketterimizge Discovery tobynyń telearnalaryn qosamyz. Birinshi toqsan ishinde abonentterimiz "Nashe novoe kino", "Rodnoe kino", "Indiiskoe kino", "Kinoseriia", "Avto Pliýs", "HD Life", "Telekanal "Kto est kto"", "KVN TV", "Kýhnia TV", "MMA TV" siiaqty jańa telearnalardy kóre alady", - dep tolyqtyrdy kompaniia ókilderi.
TVcom – Otau TV abonentterin spýtniktik TV jáne internetpen qamtamasyz etetin "Qazteleradio" AQ seriktesi.
Jeltoqsan aiynyń ortasynda operator qańtar aiynan bastap jańalyq taratatyn sheteldik arnalardyń úlesin azaityp, olardy kóńil kóteretin, kino jáne tanymdyq sipattaǵy telearnalarmen almastyratynyn habarlaǵan bolatyn.
