Jas qalamgerlerge arnalǵan "Otanym, saǵan aitamyn" atty prozalyq onlain-baiqaýyna shyǵarmalar qabyldaý 20 shilde kúni aiaqtalady.
2019 jylǵy Jastar jylyna orai Massaget.kz portaly ERG kompaniiasynyń qoldaýymen jas talanttardy jaryqqa shyǵarý, shyǵarmashylyǵyn qoldaý maqsatynda 15-29 jas aralyǵyndaǵy jas qalamgerler arasynda "Otanym, saǵan aitamyn" atty prozalyq onlain-baiqaýyn jariialaǵan bolatyn.
Baiqaý maqsaty – egemen eldiń erteńi sanalatyn jastar arasyndaǵy otan túsinigin qalyptastyrý, patriottyq sezimin oiatyp, qulashyn keńge jaiǵan búgingi táýelsiz elimizdiń jetistikterin baiandaý, nasihattaý, jas qalamgerlerdi qoldaý jáne shyǵarmashylyǵyn damytý.
Qatysýshylardyń esseleri baikaumassaget@gmail.com poshtasyna 2019 jyldyń 24 mamyrynan bastap túse bastady. Osy ýaqytqa deiin 100-den artyq jas jazýshylar óz jumystaryn orys jáne qazaq tilderinde jiberip úlgerdi.
Irikteýden ótken shyǵarmalar Massaget.kz jáne Tengrinews.kz portaldarynda jariialandy jáne Juldyz FM men Tengri FM efirinde oqyldy.
Otan taqyrybyndaǵy úzdik proza (esse, áńgime) boiynsha tómendegidei júldeler taǵaiyndalǵan:
1-oryn 300 000 teńge;
2-oryn 150 000 teńge;
3-oryn 100 000 teńge.
20 shildede shyǵarmalar qabyldaý ýaqyty aiaqtalǵannan keiin aldaǵy 5 kúnde ádilqazylar sheshimimen jeńimpazdar anyqtalady.
Bailanys telefony: 8 (727) 388-81-22
