QR BǴM biologiialyq qaýipsizdik problemalary ǵylymi-zertteý institýtynyń bas direktory Kúnsulý Zakariia qazaqstandyq vaktsinanyń ne sebepti ózge elde quiylýy múmkin ekenin túsindirdi, dep habarlaidy QazAqparat.
Spikerge «Otandyq vaktsinany ne sebepti Túrkiiada quiýǵa, qaptama jasaýǵa májbúrmiz? Qaraǵandyda vaktsinanyń reseilik nusqasyn sol protsesten ótkizip jatqan joq pa?» degen suraq qoiyldy.
«Institýttyń negizgi maqsaty – vaktsinany ázirlep shyǵarý. Búgingi kúni zaýyt Qazaqstanda áli joq, zaýytymyz soǵylyp jatyr. Qaraǵandyǵa kelsek, bul jerde kelesi aiyrmashylyq bar: Bizdiń inaktivtelgen vaktsinamyz taza virýstan paida bolady, sodan jasalady. Ol ekinshi top patogendikke jatady. Ekinshi topqa jatatyn patogendi virýspen qalanyń ne úlken megapolistiń ishinde jumystardy ótkizýge bolmaidy. «Spýtnik-V» tehnologiiasyna kelsek, onyń ishinde negizgi zat bizdiń SARS-CoV virýsy emes, virýstyń ishindegi kishkene ǵana aqýyz, ony tasymaldaityn adenovirýs virýlenttigi tórtinshi topqa jatady. Tórtinshi topqa jatatyn virýstarmen qala ishinde jumys isteýge bolmaidy. Al endi Túrkiia nemese basqa zaýytta toltyrý máselesi naqty sheshilgen joq. Bizge Úkimet qai jerge aparyp, ázirleý kerek dese, sol jerge baryp ázirleimiz. Onyń sebebin basynda aittym, úlken kólemdegi vaktsinalardy bizde quiatyn «alań» joq», - Ortalyq kommýnikatsiialar qyzmetinde ótken baspasóz máslihatynda.
