Foto: QR AShM baspasóz qyzmeti
Qazaqstan jańa naryqtarǵa jol ashyp, jetkiziletin taýarlar túrin keńeitti, dep habarlaidy Ult.kz.
QR AShM baspasóz qyzmetiniń málimetinshe, búginde otandyq ónim EAEO, Eýropalyq odaq, TMD elderi, Qytai, Japoniia, Ońtústik Koreia, Mońǵoliia, Saýd Arabiiasy, BAÁ, Iran, Ázerbaijan jáne Ózbekstandy qosa alǵanda 15-ten astam memleketke eksporttalady.
Qytaimen qus eti men IQM terilerin jetkizý jóninde jańa hattamalarǵa qol qoiyldy. Sondai-aq jylqy eti, bie súti untaǵy, salqyndatylǵan siyr eti, qoi eti, shoshqa eti jáne termiialyq óńdelgen ónim eksportynyń aiasyn keńeitý boiynsha kelissózder júrgizilip jatyr.
QR Aýyl sharýashylyǵy ministrligi málimetinshe, Qazaqstan sonymen qatar Eýropalyq odaqqa bal eksporttaityn elder tizimine engizildi. Aziia memleketterimen saýda bailanysy nyǵaiyp jatyr. Japoniiamen tiri jylqy jáne sút ónimderin jetkizý máselesi talqylanyp jatyr, al Ońtústik Koreiamen – balmuzdaq eksporty.
Malaiziia, Vetnam, Singapýr, Katar jáne óńirdiń basqa da elderimen kelissózder jalǵasyp jatyr. Sheteldik elderdiń tizimine 3652 qazaqstandyq kásiporyn engizilgen, olardyń ishinde tek maýsym aiynda 9 jańa eksporttaýshy tirkeldi.
EAEO elderiniń tizilimderinde mal sharýashylyǵy salasyndaǵy 3292 kásiporyn bar.
QHR naryǵyna qoljetimdilikti keńeitý maqsatynda QR AShM Veterinariialyq baqylaý jáne qadaǵalaý komiteti men QHR Bas keden basqarmasy arasynda eksport sharttaryn aiqyndaityn 12 hattamaǵa qol qoiyldy.
Birqatar el buryn qoldanysta bolǵan sanitariialyq shekteýlerdi alyp tastady. Atap aitqanda, Belarýs, Resei jáne Qytai Qazaqstannyń ońtústik-shyǵys óńirlerinen ónim ákelýge qatysty aýsylǵa bailanysty engizilgen tyiymdardy joidy.
Túrkiia aýsyl, qus tumaýy jáne nodýliarly dermatitke qatysty barlyq shekteýdi alyp tastady. Qytai da qus tumaýyna qatysty shekteýdi joidy, al Armeniia aýsylǵa bailanysty barlyq tyiymdy alyp tastady.
Shyǵys Qazaqstan oblysynda QR–QHR biryńǵai agrolaboratoriiasy ashylýǵa daiyndalyp jatyr. Ol qazaqstandyq ónimdi qytai veterinariialyq standarttary boiynsha sertifikattap, Qytai naryǵyna qoljetimdilikti jeńildetedi.
Qazaqstan sondai-aq EAEO aiasynda veterinariia salasyndaǵy biryńǵai erejelerdi ázirleýge qatysyp jatyr. Oǵan ónimniń qadaǵalaný júiesi, afrikalyq shoshqa obasynyń aldyn alý jáne sanitariialyq talaptardy buzǵany úshin jaýapkershilik máseleleri kiredi.
