Foto: QR MAM
Qazaqstandyq opera ánshisi Áigerim Altynbek álemdegi eń bedeldi opera óneri oqý oryndarynyń biri – «La Skala» teatry akademiiasynda taǵylymdamadan ótedi, dep habarlaidy Ult.kz.
Beinejazba arqyly ótken aldyn ala irikteýge 400-den astam úmitker qatysqan. Olardyń ishinen 12 úzdik oryndaýshy tańdalyp alyndy. Solardyń qatarynda Qazaqstannyń atynan qatysqan Áigerim Altynbek te bar.
Opera ánshisi Áigerim Altynbek – kóptegen halyqaralyq vokaldyq baiqaýlardyń laýreaty. Ol tanymal kompozitor Djakomo Pýchchinidiń 100 jyldyǵyna orai uiymdastyrylǵan halyqaralyq opera ánshileri baiqaýynda jeńimpaz atandy.
Sonymen qatar Italiianyń Modena qalasynda ótken Nikolai Giaýrov atyndaǵy opera ánshileriniń halyqaralyq baiqaýynda úshinshi oryndy ielendi. Qazaqstandyq ánshi ataqty italiialyq opera ánshisi Mirella Frenidiń arnaiy syilyǵyn aldy. Álemniń 470 qatysýshysy qatysqan Renata Tebaldi atyndaǵy halyqaralyq vokal konkýrsynda ónerpaz ekinshi orynǵa ie boldy.
25 maýsymda álemge áigili Hose Karrerastyń kontserti ótedi. Osy keshte Áigerim Altynbek te boi kórsetedi. Kontsertte álemdik opera ariialar shyrqalyp, tanymal dýetter óner kórsetedi.
27–28 maýsymynda Italiianyń Neapol qalasynda Andrea Bochellidiń mereitoilyq kontsertine qatysyp, aty ańyzǵa ainalǵan tenormen bir sahnada án shyrqaidy.
"Bul jetistik – onyń bilimge degen umtylysy men kásibi sheberliginiń jemisi. Sonymen qatar QR Mádeniet jáne aqparat ministrliginiń jas talanttardy qoldaýǵa baǵyttalǵan aýqymdy jumystyń nátijesi", - delingen ministrlik habarlamasynda.
