Otandyq óndirýshilerdi qoldaý – memlekettiń daǵdarysqa qarsy sharalarynyń negizgi elementi. Bul pikirdi Prezident Qasym-Jomart Toqaev aitty, dep habarlaidy «Ult aqparat».
«Otandyq óndirýshilerdi qoldaý – memlekettiń daǵdarysqa qarsy sharalarynyń negizgi elementi bolyp sanalady. Ár óńirde bul másele ákimniń orynbasaryna jeke júktelýi tiis», - dedi Qasym-Jomart Toqaev Úkimettiń keńeitilgen otyrysynda.
Prezident jyl qorytyndysy boiynsha Úkimet pen Prezident Ákimshiligi tutas oblys pen olardyń jumysyna baǵa beretinin aitty. Jergilikti qamtamasyz etý máselesi ai saiynǵy negizde Ekonomikalyq ósimdi qalpyna keltirý komissiiasynda qaralýy tiis.
«Indet eldi azyq-túlikpen qamtamasyz etýdiń álsiz tustaryn kórsetip berdi. Pandemiia kezinde halyqtyń tabysy azaidy, áleýmettik mańyzy bar azyq-túlik taýarlary qymbattai tústi. Azyq-túlik taýarlary baǵasynyń qymbattaý indeksi eldegi infliatsiia indeksinen 1,6 esege asty», - dep synǵa aldy Prezident.
Eske sala ketsek, Memleket basshysy Qasym-Jomart Toqaevtyń tóraǵalyǵymen Úkimettiń keńeitilgen otyrysy beine bailanys júiesi arqyly bolyp jatyr.
Jiynda Úkimet 2020 jyldyń alǵashqy jarty jyldyǵyndaǵy elimizdiń áleýmettik-ekonomikalyq damý qorytyndysy týraly esep berýde. Sondai-aq koronavirýsqa qarsy kúreske qatysty qabyldanǵan sharalar, Memleket basshysynyń Úkimettiń aldaǵy ýaqytta atqaratyn jumysynyń negizgi baǵyttary boiynsha bergen tapsyrmalary men mindetteri qarastyrylady.
