Otandyq taýar óndirýshilerdi qoldaýdyń jańa sharalary ázirlenip jatyr. Bul týraly búgin Úkimet otyrysynda QR Indýstriia jáne infraqurylymdyq damý ministri Beibit Atamqulov aitty, dep habarlaidy QazAqparat.
«Ýákiletti organdar, «Atameken» ulttyq kásipkerler palatasy jáne jer qoinaýyn paidalanýshylar arasynda kásipkerlikti yntalandyrý týraly engiziletin úshjaqty kelisimder erikti negizde iske asyrylady. Kelisimde taýarlardaǵy jergilikti mazmun boiynsha mindettemeler kórsetiledi. Jer qoinaýyn paidalanýshylar sonyń aiasynda taýarlardy satyp alýdyń retteletin tártibi normalaryn qoldanbai taýarlar satyp ala alady», - dedi Beibit Atamqulov.
Onyń aitýynsha, bul shara taýarlardy satyp alý merzimin qysqartýǵa, sondai-aq ónim berýshini tańdaý kezinde shekteýlerdi alyp tastaýǵa múmkindik beredi.
Atalǵan usynystardy iske asyrý úshin memlekettik satyp alý máseleleri boiynsha zań jobasy aiasynda «Jer qoinaýy jáne jer qoinaýyn paidalaný týraly» QR Kodeksine tiisti túzetýler engiziledi.
«Qabyldanyp jatqan sharalar bolashaqta otandyq óndiristi yntalandyrý úshin jer qoinaýyn paidalanýshylarmen kelisimder jasaýǵa múmkindik beredi. Sondai-aq, qazirgi ýaqytta «Ónerkásiptik saiasat týraly» QR Zańy jobasy aiasynda otandyq taýar óndirýshilerdi qoldaýdyń jańa sharalary ázirlenip jatyr», - dedi ministr.
