وتاندىق تاۋار ٶندٸرۋشٸلەردٸ قولداۋدىڭ جاڭا شارالارى ەزٸرلەنٸپ جاتىر. بۇل تۋرالى بٷگٸن ٷكٸمەت وتىرىسىندا قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ ايتتى, دەپ حابارلايدى قازاقپارات.
«ۋەكٸلەتتٸ ورگاندار, «اتامەكەن» ۇلتتىق كەسٸپكەرلەر پالاتاسى جەنە جەر قويناۋىن پايدالانۋشىلار اراسىندا كەسٸپكەرلٸكتٸ ىنتالاندىرۋ تۋرالى ەنگٸزٸلەتٸن ٷشجاقتى كەلٸسٸمدەر ەرٸكتٸ نەگٸزدە ٸسكە اسىرىلادى. كەلٸسٸمدە تاۋارلارداعى جەرگٸلٸكتٸ مازمۇن بويىنشا مٸندەتتەمەلەر كٶرسەتٸلەدٸ. جەر قويناۋىن پايدالانۋشىلار سونىڭ اياسىندا تاۋارلاردى ساتىپ الۋدىڭ رەتتەلەتٸن تەرتٸبٸ نورمالارىن قولدانباي تاۋارلار ساتىپ الا الادى», - دەدٸ بەيبٸت اتامقۇلوۆ.
ونىڭ ايتۋىنشا, بۇل شارا تاۋارلاردى ساتىپ الۋ مەرزٸمٸن قىسقارتۋعا, سونداي-اق ٶنٸم بەرۋشٸنٸ تاڭداۋ كەزٸندە شەكتەۋلەردٸ الىپ تاستاۋعا مٷمكٸندٸك بەرەدٸ.
اتالعان ۇسىنىستاردى ٸسكە اسىرۋ ٷشٸن مەملەكەتتٸك ساتىپ الۋ مەسەلەلەرٸ بويىنشا زاڭ جوباسى اياسىندا «جەر قويناۋى جەنە جەر قويناۋىن پايدالانۋ تۋرالى» قر كودەكسٸنە تيٸستٸ تٷزەتۋلەر ەنگٸزٸلەدٸ.
«قابىلدانىپ جاتقان شارالار بولاشاقتا وتاندىق ٶندٸرٸستٸ ىنتالاندىرۋ ٷشٸن جەر قويناۋىن پايدالانۋشىلارمەن كەلٸسٸمدەر جاساۋعا مٷمكٸندٸك بەرەدٸ. سونداي-اق, قازٸرگٸ ۋاقىتتا «ٶنەركەسٸپتٸك ساياسات تۋرالى» قر زاڭى جوباسى اياسىندا وتاندىق تاۋار ٶندٸرۋشٸلەردٸ قولداۋدىڭ جاڭا شارالارى ەزٸرلەنٸپ جاتىر», - دەدٸ مينيستر.
