Otandyq qalamgerlerdiń detektiv janryndaǵy shyǵarmalary kitap bolyp shyǵady. Bul týraly Ishki ister ministrligi baspasóz qyzmetiniń ókili Shuǵyla Turlybek aitty, dep habarlaidy QazAqparat.
«Ótken jyly Ishki ister ministrligi el tarihynda tuńǵysh ret «Sert» detektiv shyǵarmalarynyń respýblikalyq baiqaýyn ótkizgen bolatyn. Ádebi baiqaýdyń basty maqsaty – halyqtyń quqyqtyq mádenietin, sonymen qatar qazaqstandyq patriotizmdi arttyrý, qoǵam nazaryn politsiia men basqa da quqyq qorǵaý organdary qyzmetkerleriniń qiyn jáne qaýipti jumysyna aýdarý», - dedi IIM ókili vedomstvonyń baspasóz qyzmeti alańynda ótken brifingte.
Onyń atap ótýinshe, Ishki ister ministrligi Qazaqstan politsiiasynyń 30 jyldyq mereitoiy aiasynda respýblikalyq «Sert» baiqaýyn jariialady. Baiqaýǵa qatysatyn shyǵarmalar osy jyldyń 15 qyrkúiegine deiin qabyldanady.
«Ishki ister ministrligi baiqaýǵa qatysýǵa shaqyrady. Jeńimpazdar Qazaqstannyń Táýelsizdik kúnine orai jariialanady. Al baiqaý qorytyndysy boiynsha detektiv janryndaǵy qazirgi zamanǵy otandyq jazýshylardyń shyǵarmalary jinaqtalǵan kitap basylady», - dedi Shuǵyla Turlybek.
