Foto: Pexels.com
Qazaqstandyq obyrǵa qarsy preparatty ázirleýshi NU professory Dos Sarbasov 2026 jyly klinikalyq synaqtardyń jańa, sheshýshi kezeńine kóshetinin jariialady. Bul kezeń eń agressivti jáne qaterli sanalatyn KRAS-mýtatsiialy isikterimen kúreste preparattyń tiimdiligin dáleldeýi kerek, dep habarlaidy Ult.kz.
Janýarlarǵa jasalǵan klinikaǵa deiingi sátti zertteýlerden keiin qurama preparattyń ekinshi komponentiniń jańa, adam aǵzasy eń bir sheginde kótere alatyn kóbirekteý dozasyn qoldanýǵa ruqsat alyndy, ol anaǵurlym tiimdi bolady dep boljanyp otyr.
«Biz bul preparatty standartty himiialyq terapiianyń aldynda qoldanamyz degen eń mańyzdy sheshimge keldik. Buǵan deiin ony patsientter fizikalyq turǵydan álsiregen kezde, iaǵni standartty himiialyq terapiianyń birneshe kezeńinen keiin qoldanatyn edik. Jańa tásil arqyly preparattyń isikter men metastazdarǵa tikelei áserin, sondai-aq preparatty adam aǵzasynyń qanshalyqty kótere alatynyn anyqtai alamyz. Bul – biz úshin strategiialyq sheshim, óitkeni preparattyń tiimdiligin anyqtaýdyń eń óz maqsatyna sai keletin tásili osy», — dep atap ótti Dos Sarbasov.
