Otandyq kásipkerler óz ónimderin kórshiles memleketterdiń naryǵyna shyǵarý barysynda joǵary salyq mólsherlemesine tap keledi. Sodan qazaqstandyq taýarlardyń eksportynyń damýy kedergige ushyrap jatyr.
Bul týraly Qazaqstan Respýblikasy Parlamenti májilisiniń depýtaty, Nur Otan partiiasynyń fraktsiia múshesi Baqytbek Smaǵul Shymkent qalasyna jumys sapary barysynda aitty. Depýtat osyndaǵy «Tassai» indýstrialdy aimaǵynda ornalasqan «Bolashaq 7» JShS-niń ujymymen kezdesip, zaýyttyń jumysymen tanysty.
«Bolashaq 7» JShS-da energetikalyq sýsyndar men shyryndar shyǵarylady. Atalǵan zaýyttyń basty ereksheligi, mundaǵy sýsyndardy metall qutylarǵa quiady. Qurylysyna 1 mlrd teńgege jýyq qarjy jumsalǵan zaýyt sońǵy zamanaýi jańa qondyrǵylarmen jabdyqtalǵan. Jyl basynda iske qosylǵan zaýytta 70-ten astam jumysshy eńbek etedi. Aldaǵy ýaqytta jumysshy sanyn 150 adamǵa jetkizý josparlanǵan. Qazir de zaýyt jumysshylarynan bólek satý bóliminiń qyzmetkerlerin qosqanda, barlyǵy 100-den astam adamdy jumyspen qamtyp otyr. Ónimin Qazaqstan naryǵyna satýdan bólek, Qyrǵyzstan men Ózbekstanǵa eksporttaidy.
Depýtat Baqytbek Smaul zaýyt jumysymen tanysý barysynda, osy eksport máselesiniń kedergilerin atady.
«Kezekti merzimdi issaparmen Shymkentke kelip otyrmyz. «Bolashaq 7» JShS-niń sýsyndary metall qutylarǵa quiylady eken. Osylaisha, sýsyndy metall qutyǵa qoiyp shyǵaratyn birden bir otandyq kásiporyn bolyp otyr. Zaýytta sýsynnyń nebir túri shyǵady, Qazaqstan suranysyn qamtamasyz etip, tipti elimizge kelip jatqan sheteldik ónimdermen básekege túse alady. Shetelge eksporttaýǵa qaýqary jetedi. Bul zaýyt óz naryǵymyzdy sýsyndarmen qamtamasyz ete otyryp, shetelge de shyǵyp jatyr. Myna kórshiles Ózbekstanda bizdiń ónimderge úlken suranys bar. Sóite tura bir ókinishtisi olardyń salyǵy 6-7 ese joǵary. Biz osy máseleni parlament qabyrǵasynda kóterýge tiistimiz»,-deidi Baqytbek Smaǵul.
Atalǵan zaýyt «Biznestiń jol kartasy – 2020» memlekettik baǵdarlamasy sheńberinde qoldaýǵa ie bolǵan. Ónimge paidalanylatyn shikizattyń 80 paiyzy óz elimizde óndiriledi. Zaýyttyń sýsyn óndirý salasyndaǵy tájiribesi 20 jyldan asady. Sońǵy 1,5 jylda jeke zaýyt salyp, óz tól ónimin shyǵarýǵa kirisipti. Deýpatattyń aitýynsha, osynshama az ýaqytta úlken jetistikterge jetip otyr.
«Zaýyt basshylyǵy nesie ala otyryp, osy zaýytty ashyp otyr. Kóptegen qiyndyqpen mundai jaqsy deńgeige jetipti. Biz endi osyndai otandyq kásiporyndarǵa jan-jaqty qoldaý kórsetýimiz qajet. Bul zaýyttyń jumysy – biregei jumys. Sondyqtan da is-qabileti myqty kásiporyndardyń sheteldik naryqqa shyǵýyna yqpal etý – bizdiń mindetimiz. Qazir salyq máselesi alǵa shyǵyp otyr. Biz sheteldik taýardyń óz naryǵymyzǵa eshqandai kedergisiz ótýine yqpal jasaǵanymyzben, óz taýarymyzdyń shetke shyǵýyna, salyqtarynyń joǵary bolýy kedergi keltiredi. Bul kásipkerlerge qiyn jaǵdai. Ekinshiden, shetelde bizdiń ónimniń barlyǵyna suranys joǵary, óitkeni, bizdiń ónimder sapaly. Endi biz mundai kásiporyndardyń sheteldik naryqtaǵy salyq máselesin parlament qabyrǵasynda qozǵaimyz. Kórshi memleketter bizdiń ónimdi toqtatyp salmasy úshin salyq máselesin sheshýimiz kerek. Olardyń salyq mólsherlemelerin memleketaralyq kelisim-sharttarmen sheshýimiz qajet. Myna, «Bolashaq 7» zaýytynyń sýsyndary Qazaqstannyń basqa jerinde óndirilmeidi. Sapasy da ónimi de erekshe. Adamdardyń suranysy joǵary. Osyndai biregei kásiporyndarǵa qolǵabys jasaýǵa tiistimiz. Endi osy máseleni parlament deńgeiinde qozǵaimyz», - dedi Baqytbek Smaǵul.
