Elimizdiń «Astana IT University» men Qazaq Infokommýnikatsiia Akademiiasy «SAP ýniversitettik aliansy» baǵdarlamasyna qosyldy. Endi stýdentter men oqytýshylar vendor sheshimderiniń demo-nusqalaryna jáne biznes-analitikadan blokcheinge deiingi mashinalyq oqytý baǵyttary boiynsha úsh myń kýrstan turatyn kitaphanaǵa qol jetkize alady.
«Biyl ýniversitet bilim alýshylardy alǵash ret qabyldaidy. Bizdiń maqsatymyz – jobalyq-baǵdarly kýrstarǵa jáne bilim berý protsesiniń praktikalyq bóligine basa nazar aýdara otyryp, joǵary bilikti IT kadr daiarlaý. SAP ýniversitettik aliansyna qosylý – bilim berý baǵdarlamalarymyzdy aitarlyqtai keńeitýge, sondai-aq stýdentterge búkil álemdegi kompaniialar talabyna sai SAP sheshimderimen jumys isteýge jol ashady», - deidi «Astana IT University» ýniversitetiniń marketing jáne qoǵammen bailanys departamenti direktory Álibek Muqashev.
«Astana IT University» men Qazaq infokommýnikatsiia akademiiasy SAP ýniversitettik aliansymen áriptestik arqyly otandyq kásiporyndarǵa salalyq sheshimderdi ázirleý kezinde baza bola alatyn platformalyq ónimder ala alady. Josparlanǵan forýmdar, kezdesýler jáne jobalyq seminarlar stýdentterge kreativti jáne kásipkerlik daǵdylardy damytýǵa kómektesedi. Sondai-aq, bolashaq túlekterdiń kadrlyq áleýetin jáne básekege qabilettiligin arttyrýǵa óz septigin tigizedi.
«Biz infokommýnikatsiia salasyn damytý boiynsha álemdik, otandyq úzdik tájiribelerdi biriktiretin ǵylymi bilim berý alańyna ainalýǵa tyrysamyz. Ýniversitettik aliansqa kirý bizge álemdik jetekshi JOO-larmen tájiribe almasýǵa jáne SAP bilimderiniń aýqymdy bazasyn qoldanýǵa múmkindik beredi», - deidi «Qazaq infokommýnikatsiia akademiiasy» qoǵamdyq qorynyń prezidenti Shahmaran Seiilov.
Aita keteiik, SAP ýniversitettik Aliansy stýdentterdiń SAP tehnologiiasyn praktikada meńgerip, tsifrlyq ekonomika qajettiligindegi tapsyrmalardy sheshý men óz jobalaryn ázirleý úshin TMD-nyń 120-dan astam joǵary oqý orynymen yntymaqtastyq bailanys ornatqan. Búgingi tańda elimizdiń 15 joǵary oqý orny Qazaqstandaǵy «SAP ýniversitettik Aliansy» músheleri qatarynda. Onda kompaniia sarapshylary SAP sheshimi boiynsha stýdentter men oqytýshylar úshin arnaiy kýrstar ótkizedi. Sonymen qatar 2019 jyly respýblikanyń negizgi joǵary oqý oryndarynda túlekterdi jumysqa ornalastyrýǵa baǵyttalǵan birqatar arnaiy is-sharalar uiymdastyrýda.
