ەلٸمٸزدٸڭ «Astana IT University» مەن قازاق ينفوكوممۋنيكاتسييا اكادەميياسى «SAP ۋنيۆەرسيتەتتٸك اليانسى» باعدارلاماسىنا قوسىلدى. ەندٸ ستۋدەنتتەر مەن وقىتۋشىلار ۆەندور شەشٸمدەرٸنٸڭ دەمو-نۇسقالارىنا جەنە بيزنەس-اناليتيكادان بلوكچەينگە دەيٸنگٸ ماشينالىق وقىتۋ باعىتتارى بويىنشا ٷش مىڭ كۋرستان تۇراتىن كٸتاپحاناعا قول جەتكٸزە الادى.
«بيىل ۋنيۆەرسيتەت بٸلٸم الۋشىلاردى العاش رەت قابىلدايدى. بٸزدٸڭ ماقساتىمىز – جوبالىق-باعدارلى كۋرستارعا جەنە بٸلٸم بەرۋ پروتسەسٸنٸڭ پراكتيكالىق بٶلٸگٸنە باسا نازار اۋدارا وتىرىپ, جوعارى بٸلٸكتٸ ٸت كادر دايارلاۋ. SAP ۋنيۆەرسيتەتتٸك اليانسىنا قوسىلۋ – بٸلٸم بەرۋ باعدارلامالارىمىزدى ايتارلىقتاي كەڭەيتۋگە, سونداي-اق ستۋدەنتتەرگە بٷكٸل ەلەمدەگٸ كومپانييالار تالابىنا ساي SAP شەشٸمدەرٸمەن جۇمىس ٸستەۋگە جول اشادى», - دەيدٸ «Astana IT University» ۋنيۆەرسيتەتٸنٸڭ ماركەتينگ جەنە قوعاممەن بايلانىس دەپارتامەنتٸ ديرەكتورى ەلٸبەك مۇقاشەۆ.
«Astana IT University» مەن قازاق ينفوكوممۋنيكاتسييا اكادەميياسى SAP ۋنيۆەرسيتەتتٸك اليانسىمەن ەرٸپتەستٸك ارقىلى وتاندىق كەسٸپورىندارعا سالالىق شەشٸمدەردٸ ەزٸرلەۋ كەزٸندە بازا بولا الاتىن پلاتفورمالىق ٶنٸمدەر الا الادى. جوسپارلانعان فورۋمدار, كەزدەسۋلەر جەنە جوبالىق سەمينارلار ستۋدەنتتەرگە كرەاتيۆتٸ جەنە كەسٸپكەرلٸك داعدىلاردى دامىتۋعا كٶمەكتەسەدٸ. سونداي-اق, بولاشاق تٷلەكتەردٸڭ كادرلىق ەلەۋەتٸن جەنە بەسەكەگە قابٸلەتتٸلٸگٸن ارتتىرۋعا ٶز سەپتٸگٸن تيگٸزەدٸ.
«بٸز ينفوكوممۋنيكاتسييا سالاسىن دامىتۋ بويىنشا ەلەمدٸك, وتاندىق ٷزدٸك تەجٸريبەلەردٸ بٸرٸكتٸرەتٸن عىلىمي بٸلٸم بەرۋ الاڭىنا اينالۋعا تىرىسامىز. ۋنيۆەرسيتەتتٸك اليانسقا كٸرۋ بٸزگە ەلەمدٸك جەتەكشٸ جوو-لارمەن تەجٸريبە الماسۋعا جەنە SAP بٸلٸمدەرٸنٸڭ اۋقىمدى بازاسىن قولدانۋعا مٷمكٸندٸك بەرەدٸ», - دەيدٸ «قازاق ينفوكوممۋنيكاتسييا اكادەميياسى» قوعامدىق قورىنىڭ پرەزيدەنتٸ شاحماران سەيٸلوۆ.
ايتا كەتەيٸك, SAP ۋنيۆەرسيتەتتٸك اليانسى ستۋدەنتتەردٸڭ SAP تەحنولوگيياسىن پراكتيكادا مەڭگەرٸپ, تسيفرلىق ەكونوميكا قاجەتتٸلٸگٸندەگٸ تاپسىرمالاردى شەشۋ مەن ٶز جوبالارىن ەزٸرلەۋ ٷشٸن تمد-نىڭ 120-دان استام جوعارى وقۋ ورىنىمەن ىنتىماقتاستىق بايلانىس ورناتقان. بٷگٸنگٸ تاڭدا ەلٸمٸزدٸڭ 15 جوعارى وقۋ ورنى قازاقستانداعى «SAP ۋنيۆەرسيتەتتٸك اليانسى» مٷشەلەرٸ قاتارىندا. وندا كومپانييا ساراپشىلارى SAP شەشٸمٸ بويىنشا ستۋدەنتتەر مەن وقىتۋشىلار ٷشٸن ارنايى كۋرستار ٶتكٸزەدٸ. سونىمەن قاتار 2019 جىلى رەسپۋبليكانىڭ نەگٸزگٸ جوعارى وقۋ ورىندارىندا تٷلەكتەردٸ جۇمىسقا ورنالاستىرۋعا باعىتتالعان بٸرقاتار ارنايى ٸس-شارالار ۇيىمداستىرۋدا.
