QR Memlekettik hatshysy Qyrymbek Kósherbaevtyń tóraǵalyǵymen Memlekettik rámizder men vedomstvolyq jáne olarǵa teńestirilgen ózge de nagradalar geraldikasy máseleleri jónindegi respýblikalyq komissiianyń kezekti otyrysy ótti. Bul týraly Aqordanyń baspasóz qyzmeti habarlady.
Komissiia jumysyna Parlament depýtattary, ortalyq jáne jergilikti atqarýshy organdardyń basshylary, belgili qoǵam qairatkerleri men ǵalymdar qatysty. Komissiia otyrysynyń jumysy selektorlyq bailanys arqyly uiymdastyryldy.
Otyrysty ashqan Qyrymbek Kósherbaev memlekettik rámizderdiń qazaqstandyq biregeilikti, otansúigishtik sezim men halyq birligin qalyptastyrýdaǵy mańyzynyń arta túskenine toqtaldy.
«Otandy qasterleý memlekettik rámizderge degen qurmetten bastalady. Memlekettik rámizder – el ishindegi turaqtylyqtyń nyshany, ulttyq rýh pen qoǵamdyq kelisimniń jáne patriottyq tárbieniń asa mańyzdy quraly», – dep atap ótti Q. Kósherbaev.
Jiynda Qazaqstan Prezidentiniń tapsyrmasyna sáikes memlekettik rámizder salasyndaǵy zańnamalarǵa ózgerister men tolyqtyrýlar engizý, jańadan qurylǵan geraldikalyq ortalyqtyń jumysy, sonymen qatar, Qazaqstan Respýblikasy Ishki ister ministrligindegi memlekettik rámizderdi dáripteý jáne qoldaný salasy boiynsha jumystardyń jai-kúii talqylandy. Sondai-aq Respýblikalyq komissiianyń 2021 jylǵa arnalǵan jumys jospary bekitildi.
Komissiia otyrysynyń qorytyndysy boiynsha Memlekettik hatshy Qyrymbek Kósherbaev ortalyq jáne jergilikti memlekettik organdarǵa birqatar naqty tapsyrma berdi.
