QR Ulttyq akademiialyq kitaphanasynda «Otandastar» oqý zaly ashyldy, dep habarlaidy "Ult aqparat".
Rýhani ordanyń ashylýy «Otandastar qory» men Dúniejúzi qazaqtary qaýymdastyǵy jáne QR Ulttyq akademiialyq kitaphanasynyń bastamasymen júzege asty.
Zaldyń ashylý saltanatyna kórnekti memleket jáne qoǵam qairatkeri Myrzatai Joldasbekov, «Otandastar qorynyń» vitse-prezidenti Maǵaýiia Sarbasov, belgili qalamger Sultan Orazalin, túrkitanýshy ǵalym Qarjaýbai Sartqojauly jáne qandastarymyz ben ziialy qaýym ókilderi qatysty. Sonymen qatar, saltanatty is-shara barysynda «Qazaq álemi» - «Mir kazahov» kitabynyń elektrondyq nusqasy jurtshylyqqa alǵash tanystyryldy.
«Ulttyq akademiialyq kitaphana aiasynda «Otandastar» tsifrly kitaphanasy quryldy. Onda oqyrmanǵa qazaq diasporasy týraly shetel ádebieti men otandastarymyzdyń shyǵarmalary usynylǵan. Qazirgi tańda kitaphana qory 2 myń kitaptan asty. Barlyq ádebiet «Qazaqstan Ulttyq elektrondy kitaphanasynyń» tehnikalyq platformasynda tsifrlandy. Bul bizdiń otandastarymyzǵa álemniń kez kelgen jerinnen qalaǵan kitabyn oqýǵa múmkindik beredi», delingen habarlamada.
Is-shara barysynda qonaqtar ózara tájiribe almasyp, ashyq pikir almasty.
