Elimizde osydan týra 7 jyl buryn dál búgingi 27 jeltoqsan - aza tutý kúni bolyp jariialandy, dep habarlaidy QazAqparat.
2012 jyl. 25 jeltoqsan. Shekara qyzmetiniń basshylary mingen áskeri An-72 ushaǵy apatqa ushyrady. Talqandalǵan tehnikadan tiri jan aman qalmady. Borttaǵy 27 adamnyń barlyǵy opat boldy. Áýe kemesi burynǵy Ońtústik Qazaqstan, qazirgi Túrkistan oblysynyń Sairam aýdanyna qulaǵan bolatyn. Oqiǵa kýágerleri ushaq qulaǵan kezde jarylys bolyp, órt sodan keiin bastalǵanyn jetkizgen edi.
2013 jyl. 29 qańtar. Kókshetaýdan Almatyǵa ushqan «Skat » áýe kompaniiasynyń jolaýshylar ushaǵy týra Almaty mańynda apatqa ushyrady. Borttaǵy 21 adamnyń barlyǵy kóz jumdy. Áýe kemesiniń dittegen jerine jetýine sol sátte sanaýly minýttar ǵana qalǵan edi. Kýágerlerdiń aitýynsha, apattyń qatty bolǵany sonsha, marqumdardyń denesi birneshe bólshekke bólinip ketken. Sol sátte áýejaidan týystaryn kútip alýǵa kelgen jaqyndary týystarynyń denesin daladan izdeýge májbúr bolǵan edi.
2016 jyl. 28 qańtar. Almaty oblysynda Úsharaldan Taldyqorǵanǵa naýqas balany jetkizbek bolǵan sanaviatsiia tikushaǵy apatqa ushyrady. Borttaǵy bes adamnyń barlyǵy mert bolyp, olardyń denesi 15 saǵattyq izdeýden soń ǵana tabylǵan bolatyn. Bul apatqa «Aspan» áýe kompaniiasynyń ókili qylmystyq kodekstiń 344 babynyń 3 tarmaǵy boiynsha kináli bolyp tanylyp, oǵan 4 jylǵa basbostandyǵynan shekteý jazasy taǵaiyndaldy.
2019 jyl 28 naýryz. Qyzylorda oblysynda áskeri tikushaq apatqa ushyrap, borttaǵy 13 adamnyń bári qaza tapty. Aita keteiik, «Bek Eir» áýe kompaniiasyna tiesili ushaqtyń biri 2016 jyly Astana áýejaiynda shassii ashylmai qalyp, apatty jaǵdaida qonǵan bolatyn. Sol sátte bortta 121 adam bolǵan.
