ەلٸمٸزدە وسىدان تۋرا 7 جىل بۇرىن دەل بٷگٸنگٸ 27 جەلتوقسان - ازا تۇتۋ كٷنٸ بولىپ جارييالاندى, دەپ حابارلايدى قازاقپارات.
2012 جىل. 25 جەلتوقسان. شەكارا قىزمەتٸنٸڭ باسشىلارى مٸنگەن ەسكەري ان-72 ۇشاعى اپاتقا ۇشىرادى. تالقاندالعان تەحنيكادان تٸرٸ جان امان قالمادى. بورتتاعى 27 ادامنىڭ بارلىعى وپات بولدى. ەۋە كەمەسٸ بۇرىنعى وڭتٷستٸك قازاقستان, قازٸرگٸ تٷركٸستان وبلىسىنىڭ سايرام اۋدانىنا قۇلاعان بولاتىن. وقيعا كۋەگەرلەرٸ ۇشاق قۇلاعان كەزدە جارىلىس بولىپ, ٶرت سودان كەيٸن باستالعانىن جەتكٸزگەن ەدٸ.
2013 جىل. 29 قاڭتار. كٶكشەتاۋدان الماتىعا ۇشقان «سكات » ەۋە كومپانيياسىنىڭ جولاۋشىلار ۇشاعى تۋرا الماتى ماڭىندا اپاتقا ۇشىرادى. بورتتاعى 21 ادامنىڭ بارلىعى كٶز جۇمدى. ەۋە كەمەسٸنٸڭ دٸتتەگەن جەرٸنە جەتۋٸنە سول سەتتە ساناۋلى مينۋتتار عانا قالعان ەدٸ. كۋەگەرلەردٸڭ ايتۋىنشا, اپاتتىڭ قاتتى بولعانى سونشا, مارقۇمداردىڭ دەنەسٸ بٸرنەشە بٶلشەككە بٶلٸنٸپ كەتكەن. سول سەتتە ەۋەجايدان تۋىستارىن كٷتٸپ الۋعا كەلگەن جاقىندارى تۋىستارىنىڭ دەنەسٸن دالادان ٸزدەۋگە مەجبٷر بولعان ەدٸ.
2016 جىل. 28 قاڭتار. الماتى وبلىسىندا ٷشارالدان تالدىقورعانعا ناۋقاس بالانى جەتكٸزبەك بولعان ساناۆياتسييا تٸكۇشاعى اپاتقا ۇشىرادى. بورتتاعى بەس ادامنىڭ بارلىعى مەرت بولىپ, ولاردىڭ دەنەسٸ 15 ساعاتتىق ٸزدەۋدەن سوڭ عانا تابىلعان بولاتىن. بۇل اپاتقا «اسپان» ەۋە كومپانيياسىنىڭ ٶكٸلٸ قىلمىستىق كودەكستٸڭ 344 بابىنىڭ 3 تارماعى بويىنشا كٸنەلٸ بولىپ تانىلىپ, وعان 4 جىلعا باسبوستاندىعىنان شەكتەۋ جازاسى تاعايىندالدى.
2019 جىل 28 ناۋرىز. قىزىلوردا وبلىسىندا ەسكەري تٸكۇشاق اپاتقا ۇشىراپ, بورتتاعى 13 ادامنىڭ بەرٸ قازا تاپتى. ايتا كەتەيٸك, «بەك ەير» ەۋە كومپانيياسىنا تيەسٸلٸ ۇشاقتىڭ بٸرٸ 2016 جىلى استانا ەۋەجايىندا شاسسيٸ اشىلماي قالىپ, اپاتتى جاعدايدا قونعان بولاتىن. سول سەتتە بورتتا 121 ادام بولعان.
