Búgin QR Úkimetiniń baspasóz ortalyǵynda ótken brifing barysynda QR indýstriia jáne infraqurylymdyq damý birinshi vitse-ministri Q. Óskenbaev pen «Qazaqstannyń turǵyn úi qurylys jinaq banki» AQ basqarma tóraiymy L. Ibragimova kóp balaly otbasylarǵa baspananyń qoljetimdiligin arttyrý boiynsha atqarylyp jatqan jumystar týraly aityp berdi, dep habarlaidy "Ult aqparat".
«Nurly jer» baǵdarlamasynyń «Satyp alýsyz jalǵa beriletin turǵyn úi salý» mindeti aiasynda satyp alýsyz jalǵa beriletin turǵyn úi respýblikalyq jáne jergilikti biýdjetterde sáikes qarjy jylynda kózdelgen qarajatqa sáikes kelesi adamdarǵa usynylady:
tabysy az kóp balaly otbasylarǵa;
halyqtyń áleýmettik jaǵynan osal toptaryna;
jumys isteitin jastarǵa.
2019 jyly respýblikalyq biýdjetten ákimdikterde kezekte turǵan adamdar úshin 6002 satyp alýsyz jalǵa beriletin turǵyn úidiń qurylysyna (satyp alýyna) 32,8 mlrd teńge bólindi. Jyl saiyn kem degende 4 myń páter paidalanýǵa beriletin bolady.
Kóp balaly otbasylar úshin 2025 jylǵa dein 40 myń jalǵa beriletin turǵyn úidiń nemese jyl saiyn 6 myń páterdiń qurylysy josparlandy. Osy maqsattr úshin 7 jyl ishinde 350 mlrd teńge qarastyrylǵan (nemese jyl saiyn 50 mlrd teńgeden).
Búginde biz 2 813 páterdi berdik jáne jospardan alda kelemiz. Kóp balaly analardy páterlermen qamtamasyz etý aiasynda biyl 6 myń emes, 8 myńǵa jýyq páterdi ótkizýdi kózdep otyrmyz», — dedi Q. Óskenbaev.
Sondai-aq, birinshi vitse-ministr eki apta saiyn ol baǵdarlamanyń aspektilerin túsindirý úshin kóp balaly analarmen kezdesetinin atap ótti.
«Olar baspanany dál qazir alǵysy keledi. Biraq shydamdylyq, sabyrlylyq qajet. Kezek erejelerin saqtaý kerek. Men de, ministr de, Úkimet basshysy da – eshkim kezekti buzyp, bireýdi kezekten tys ótkizip jibere almaidy. Zań bar», — dedi Q. Óskenbaev.
Sonymen qatar Q. Óskenbaev kóp balaly otbasylarǵa baspana alý úshin bólek kezek jasaý máselesine túsinikteme berdi.
«Buryn kóp balaly otbasylar jalpy ortaq kezekte turatyn. Uly Otan soǵysynyń ardagerleri men jetim balalar úshin basymdyq boldy. Olarǵa salynǵan turǵyn úidiń 20% beriletin. Salynǵan turǵyn úidiń 80%-y qalǵan kezekke berildi. Bul halyqtyń áleýmettik osal tobynyń 11 sanaty.
Osy jyldyń mamyr aiynda zańǵa túzetýler engizildi, oǵan sáikes kóp balaly otbasylar jeńildetilgen baspanany birinshi kezekte alýshylarmen teńestirildi. Bul baǵdarlamany «Nurly jer» baǵdarlamasynda jedel iske asyrý úshin jeke kezek bólindi», — dedi Q. Óskenbaev.
«Qazaqstannyń turǵyn úi qurylys jinaq banki» AQ basqarma tóraiymy Lázzat Ibragimova kezektiń aiqyndylyǵy týraly aityp berdi. Onyń aitýynsha, QTQJB QR IIDM-men birlesip, turaqty negizde derekterdi salystyryp turady.
«Búgingi tańda 512 myń kezekte turǵandardyń 160 myńy - bizdiń banktiń salymshylary. Iaǵni, adamdar Qazaqstanda múldem tegin baspana bolmaitynyna jáne adamdar tezirek turǵyn úi alýy úshin jaǵdailar jasalyp jatqanyna sendi jáne túsindi. Bir ýaqytta JAO-da kezekte turǵan jáne QTQJB salymshylary bolyp tabylatyn osy 160 myń adamnyń 20%-ǵa jýyǵynda 1 mln teńgeden astam jinaq bar.
Bul sanattaǵy adamdar jyldyq 5%, bastapqy jarnasy 20% quraityn «Nurly jer» baǵdarlamasyna qatysa otyryp, úi iesi bola bastaidy jáne kezekten shyǵady.
«Baqytty otbasy» baǵdarlamasyna da JAO kezeginde turǵan azamattar — kóp balaly otbasylar, tolyq emes otbasylar jáne múgedek balalardy tárbielep otyrǵan otbasylar qatysady.
Qazir bizdiń hcsbk.kz saitta qaryz alýshylar tizimi, iaǵni qaryz alǵan otbasylardyń tizimi jariialanǵan. Bul aiqyndyq bizde barlyq nesielik turǵyn úi boiynsha qamtamasyz etiledi. Qysqasy, baspanaly bolǵan adamdardyń tizimin biz jariialap otyramyz», — dedi L. Ibragimova.
Sonymen birge, beiindi vedomstvonyń birinshi vitse-ministri kóp balaly otbasylar sanynyń óskenin atap ótti.
«Úsh jyldyń ishinde biz kóp balaly otbasylardy jeńildetilgen baspanamen tolyqtai qamtamasyz etýimiz kerek. Basymdyq jariialanǵan kezde 29 myń kóp otbasy kezekte turdy. Búginde olardyń sany – 38 229 otbasy. Kezek aitarlyqtai jyldam qarqynmen ósýde. Biz ósimdi eskere otyryp turǵyn úi salyp jatyrmyz. Sondyqtan alǵa qoiylǵan mindetter tolyǵymen oryndalady», — dedi Q. Óskenbav.
