Óskemen qalasynda Jeltoqsan kóterilisiniń qurbany Sábira Muhamedjanovaǵa kóshe aty berilmek, dep habarlaidy "Ult aqparat".
«Aldaǵy jyly qasterli Táýelsizdigimizge 30 jyl tolady. Al yzǵarly jeltoqsanda namysshyl jastardyń alańǵa shyqqanyna 35 jyl bolmaq. Osyǵan orai Óskemende birqatar mańyzdy sharalardy júzege asyrý josparlanyp otyr. Bul týraly Táýelsizdik merekesi qarsańynda 1986 jylǵy jeltoqsan oqiǵasynyń qatysýshylarymen kezdesýimde keńinen talqylandy. Basqosýǵa Óskemen qalasynda turatyn 10 shaqty jeltoqsanshymen birge «Jeltoqsan-86» qoǵamdyq birlestiginiń tóraǵasy Maratbek Ramazanov qatysty», - dedi shahar basshysy Jaqsylyq Omar.
Onyń aitýynsha, aldaǵy ýaqytta is-sharalardyń keshendi jospary jasalyp, bekitiledi. Olardy júzege asyrýǵa qalalyq ákimdik tarapynan qoldaý kórsetilip, arnaiy qarajat bólinedi.
Erekshe atap óterlik sharalardyń qatarynda Óskemenniń bir kóshesine Sábira Muhamedjanovanyń esimin berý bar.
Sondai-aq ol oqyǵan ýchilishede arnaiy synyp ashý jáne shákirtaqy taǵaiyndaý qarastyrylǵan.
Sábira týraly kitap shyǵarý men derekti kino túsirýge de qoldaý kórsetilmek.
