Óskemen qalasynda politsiia qyzmetkerleri Ekinshi dúniejúzilik soǵys ardagerleriniń qurmetine ornatylǵan Dańq memorialyn búldirgen vandaldardy tapty, dep habarlaidy "Ult aqparat".
24 mamyr kúni politsiiaǵa belgisiz bireýlerdiń Dańq memorialyn buzǵany týraly aqparat túsken bolatyn.
Anyqtalǵandai, vandaldar Máńgilik alaýdaǵy jasandy gúlderdi órtep jibergen.
Bunymen qoimai, janǵan gúlderdi soǵys ardagerleriniń aty-jóni jazylǵan eskertkishke tósegen.
«Qazirgi ýaqytta memorialdy búldirgenderdiń kim ekendigi anyqtaldy. Ol 11 jáne 9 jastaǵy aǵasy men qaryndasy bolyp shyqty. Olar oinap júrip jasandy gúlderdi órtep, eskertkishke tósegenin moiyndady. Tártip saqshylary balalarǵa jáne ata-anasyna túsindirý jumysyn júrgizdi», - dep habarlady ShQO politsiia departamentiniń baspasóz qyzmeti.
Aita keteiik, jetkinshekterdiń ata-anasy ÁQBtK 127-babyna sáikes ákimshilik jaýapkershilikke tartylýy múmkin.
