Óskemendegi dámhanalardyń birinde tanysyn pyshaqtaǵan er adamnyń videosy tarady, - dep habarlaidy Tengrinews.kz agenttigi.
ShQO politsiia departamentiniń baspasóz qyzmetiniń málimetinshe, oqiǵa Sogra aýdanynda bolǵan, onda dámhanaǵa kelgen adam tóbeles kezinde tanysyna pyshaq salǵan.
"Óskemen politsiiasyna oblys ortalyǵynyń oiyn-saýyq mekemeleriniń birinde er adamnyń tóbeles kezinde tanysyna pyshaq jaraqatyn salǵany týraly habarlama kelip tústi. Jedel-izdestirý is-sharalary barysynda politsiia qyzmetkerleri beinebaqylaý kameralarynan beinejazbalardy alyp, ony muqiiat zerttedi. Tártip saqshylary kúdiktini "izin sýytpai" anyqtap, ustady", - dedi vedomstvo ókilderi.
Alaida ishimdik ishý kezinde tanystar arasynda daý shyǵyp, ol tóbeleske ulasqan.
"Er adam janjal barysynda óziniń tanysyna pyshaqpen birneshe dene jaraqatyn saldy, ol alǵan jaraqattarynan esin jinamastan jedel járdem brigadasynyń kóliginde qaitys boldy", - dedi ShQO politsiia departamentiniń basshysy Saǵat Mádiev.
Vedomstvo málimetinshe, 32 jastaǵy kúdikti buryn qylmystyq jaýapkershilikke tartylǵan. Janjaldyń barlyq mán-jaiy anyqtalyp jatyr. Qazirgi ýaqytta kúdikti Óskemen qalasynyń ýaqytsha ustaý izoliatoryna qamaldy.
Osy derek boiynsha Qylmystyq kodekstiń 99-baby 1-bóligi ("Adam óltirý") boiynsha sotqa deiingi tergeý júrgizilip jatyr.
