Óskemende JShS esepshisi 13,5 mln teńgeni iemdenip alǵan, dep habarlaidy QazAqparat.
Óskemen qalalyq PB Ertis PB-niń kezekshi bólimine qaladaǵy seriktestikterdiń biriniń ókilinen ótinish tústi. Áńgime barysynda politsiia qyzmetkerleri 2020 jyldan bastap 2021 jylǵa deiingi kezeńde JShS býhgalteri óziniń qyzmettik laýazymyn paidalanyp, kassadan jalpy somasy 13 485 062 teńge qarajatty zańsyz iemdengenin anyqtady.
Jedel-izdestirý is-sharalaryn júrgizý kezinde Óskemen qalalyq PB Ertis PB-niń KPB qyzmetkerleri óz kinásin moiyndaǵan 50 jastaǵy kúdiktini anyqtap, ustady. Qazirgi ýaqytta QK-tiń 189-baby 4-bóligi (Senip tapsyrylǵan bóten múlikti iemdený nemese talan-tarajǵa salý) boiynsha sotqa deiingi tergeý bastaldy. Osy baptyń sanktsiialary múlkin tárkilei otyryp, 7 jyldan 12 jylǵa deiingi merzimge bas bostandyǵynan aiyrý túrindegi jazany kózdeidi.
