Óskemen qalasynda búgin volonterlar ortalyǵy ashyldy, dep habarlaidy QazAqparat.
Mundaǵy maqsat – eriktilerdiń sanyn arttyrý, olardy qoǵamdyq jumystarǵa tartý. Ortalyqtyń ashylýyna qala ákimi Jaqsylyq Omar qatysty.
«Eriktiler ortalyǵyndaǵy jastar jyl boiynda bir koordinatordyń baǵyt-baǵdarymen júrip, bekitilgen jospar boiynsha jumys isteýi tiis. Kontserttik sharalardy jii uiymdastyrǵannan góri qoǵamǵa paidaly jumystardy atqarýǵa umtylý kerek», – dedi qala ákimi.
Ortalyq direktory Rinat Ahmetjanovtyń aitýynsha, eriktiler aiazdy kúnderi dalada jaýrap turǵan jandarǵa ystyq shai usynyp, qart adamdardyń úiine baryp qar tazalaýǵa kómektesýde. Osyndai igi sharalar aldaǵy ýaqytta da jalǵasyp tabady.
