ٶسكەمەن قالاسىندا بٷگٸن ۆولونتەرلار ورتالىعى اشىلدى, دەپ حابارلايدى قازاقپارات.
مۇنداعى ماقسات – ەرٸكتٸلەردٸڭ سانىن ارتتىرۋ, ولاردى قوعامدىق جۇمىستارعا تارتۋ. ورتالىقتىڭ اشىلۋىنا قالا ەكٸمٸ جاقسىلىق ومار قاتىستى.
«ەرٸكتٸلەر ورتالىعىنداعى جاستار جىل بويىندا بٸر كوورديناتوردىڭ باعىت-باعدارىمەن جٷرٸپ, بەكٸتٸلگەن جوسپار بويىنشا جۇمىس ٸستەۋٸ تيٸس. كونتسەرتتٸك شارالاردى جيٸ ۇيىمداستىرعاننان گٶرٸ قوعامعا پايدالى جۇمىستاردى اتقارۋعا ۇمتىلۋ كەرەك», – دەدٸ قالا ەكٸمٸ.
ورتالىق ديرەكتورى رينات احمەتجانوۆتىڭ ايتۋىنشا, ەرٸكتٸلەر ايازدى كٷندەرٸ دالادا جاۋراپ تۇرعان جاندارعا ىستىق شاي ۇسىنىپ, قارت ادامداردىڭ ٷيٸنە بارىپ قار تازالاۋعا كٶمەكتەسۋدە. وسىنداي يگٸ شارالار الداعى ۋاقىتتا دا جالعاسىپ تابادى.
