Foto: QR SIM
Óskemen qalasynda tutynýshylardyń qaýipsizdigine qaýip tóndiretin 81 dana elektr sháinek anyqtalyp, sórelerden alynyp tastaldy, dep habarlaidy Ult.kz.
Tekserý barysynda «Tehnodom» dúkender jelisinen VITEK VT-1122 TR markaly, kólemi 1,7 litrlik elektr sháinek satyp alynyp, Keden odaǵynyń tehnikalyq reglamenti – TR TS 004/2011 «Tómen voltty jabdyqtyń qaýipsizdigi týraly» talaptaryna sáikestigi zerthanalyq synaq arqyly tekserildi.
Synaq nátijeleri sháinektiń naqty qýaty bekitilgen normalardan aitarlyqtai aýytqitynyn kórsetti.
-
220 V kerneýde — 1617 Vt (−12,6 %)
-
240 V kerneýde — 1824 Vt (−17,1 %)
Mamandardyń aitýynsha, mundai aýytqýlar tutynýshylardyń densaýlyǵy men ómirine qaýip tóndirýi múmkin.
Sonyń nátijesinde dúken jelisine atalǵan modeldi satylymnan alyp tastaý týraly resmi habarlama joldanyp, jetkizýshige zańbuzýshylyqtar joiylǵanǵa deiin ónim jetkizýdi toqtatý talap etildi.
Eske salaiyq, tehnikalyq reglament talaptaryna sai kelmeitin ónimderdi satý Ákimshilik quqyq buzýshylyq týraly kodekstiń 415-babyna sáikes jazalanady:
-
Jeke tulǵalarǵa – 90 AEK
-
Laýazymdy tulǵalar nemese shaǵyn kásipkerlik sýbektilerine – 195 AEK
-
Orta kásipkerlik sýbektilerine – 310 AEK
-
Iri kásipkerlik sýbektilerine – 600 AEK kóleminde aiyppul kózdelgen.
Mamandar turǵyndardy elektr quraldaryn satyp alarda sertifikat pen qaýipsizdik talaptaryna nazar aýdarýǵa shaqyrady.
